આર્થિક / ઈન્ફોસિસના શેરધારકો માટે મોટી ખુશખબર, કંપનીએ જાહેર કર્યો શેર બાયબેક પ્લાન અને ડિવિડંડ, જાણો ડિટેલ્સ

• દેશની મોટી આઈટી કંપની ઈન્ફોસિસની સપ્ટેમ્બરમાં આવક વધી
• પ્રોફિટ 11 ટકા વધીને 6,021 કરોડ થયો 
• કંપનીએ રોકાણકારો માટે જાહેર કર્યો શેરબાય બેક પ્લાન
• ઈન્ફોસિસ રોકાણકારો પાસેથી એક શેર 1850 રુપિયામાં ખરીદશે 
• કંપની રોકાણકારોને આપશે 16.50 રુપિયાનું વચગાળાનું ડિવિડંડ 

દેશની સૌથી મોટી આઈટી કંપની ઈન્ફોસિસના રોકાણકારોને દિવાળીના તહેવારોમાં ચાંદી પડી જવાની છે. રોકાણકારોને તહેવારોમાં 30 ટકા વધારે કમાણી કરવાની તક આવી છે. ગુરુવારે ઈન્ફોસિસ બોર્ડે 9,300 કરોડનો શેર બાયબેક પ્લાનને મંજૂરી આપી છે. એટલે કે કંપની તેના રોકાણકારો પાસેથી  9,300 કરોડના શેર પાછા ખરીદશે અને રોકાણકારોને એક શેર દીઠ 1850 રુપિયા આપશે. આ 1850 રુપિયા બંધ થયેલા શેરની કિંમતથી અલગ હશે. 

Infosys announces share buyback worth Rs 9,300 crore: Regulatory Filing

— Press Trust of India (@PTI_News) October 13, 2022

સપ્ટેમ્બરમાં ઈન્ફોસિસને થયો 6021 કરોડ રૂપિયાનો નફો 
ઈન્ફોસિસે નાણાકીય વર્ષ 2022-23ના બીજા ક્વાર્ટરના પરિણામો જાહેર કર્યા છે. આ સમયગાળા દરમિયાન કંપનીને 6021 કરોડ રૂપિયાનો નફો થયો છે, જે ગયા નાણાકીય વર્ષના સમાન સમયગાળાની તુલનામાં 11.1 ટકા છે. ગયા વર્ષે બીજા ક્વાર્ટરમાં કંપનીને 5421 કરોડ રૂપિયાનો નફો થયો હતો. આ નાણાકીય વર્ષમાં કંપનીની કામગીરીથી આવક 36,538 કરોડ રૂપિયા હતી, જે ગયા વર્ષના સમાન ગાળાની તુલનામાં 23.4 ટકા વધારે છે. ગયા વર્ષે બીજા ક્વાર્ટરમાં કંપનીની આવક 29602 કરોડ રૂપિયા રહી હતી.

IT company Infosys' consolidated net profit rises 11 pc year-on-year to Rs 6,021 crore in September quarter: Regulatory filing

— Press Trust of India (@PTI_News) October 13, 2022

રોકાણકારોને ચુકવાશે 16.50 રૂપિયાનું વચગાળાના ડિવિડન્ડ
ઇન્ફોસિસના બોર્ડે તેના શેરહોલ્ડરોને 16.50 રૂપિયાના વચગાળાના ડિવિડન્ડની પણ જાહેરાત કરી છે. કંપની શેરહોલ્ડરોને વચગાળાના ડિવિડન્ડ તરીકે રૂ.6,940 કરોડ ચૂકવશે.

સપ્ટેમ્બર 2021માં પણ કંપનીએ 9200 કરોડના શેર પાછા ખરીદ્યાં હતા 
ઇન્ફોસિસે સપ્ટેમ્બર 2021 માં શેર બાયબેક પણ કર્યું હતું. ત્યારબાદ કંપનીએ ખુલ્લા બજારમાંથી 9200 કરોડ રૂપિયાના શેર ખરીદ્યા હતા. આ પહેલા કંપનીએ ઓપન માર્કેટમાંથી શેર ખરીદ્યા હતા.