Independence Day 2023 / તિરંગો ફરકાવી દીધો એટલે પત્યું એમ ન માનતા, જાણી લેજો નિકાલની સાચી રીત, નહીંતર જેલભેગા

• રાષ્ટ્રધ્વજના આપમાન બદલ સજાની જોગવાઈ
• ત્રણ વર્ષની સજા અને દંડની જોગવાઈ
• ભારતીય ધ્વજ સંહિતા 2002 મુજબ થાય છે કાર્યવાહી

દેશમાં આઝાદીના મહોત્સવની ઉજવણીને લઈને લોકોમાં અનેરો થનગનાટ જોવા મળી રહ્યો છે. જેના ભાગરૂપ 13-15 ઓગસ્ટ સુધી દેશભરમાં તિરંગા અભિયાન ચલાવાઈ રહ્યું છે. ત્યારે વડાપ્રધાન નરેન્દ્ર મોદીએ દરેકને 'હર ઘર તિરંગા' અભિયાનમાં ભાગ લેવા આહવાન કર્યું છે. જેને લોકો આવકાર પણ અપાઈ રહ્યો છે. પરંતુ માત્ર રાષ્ટ્રધ્વજ ફરકાવવાથી આપણી જવાબદારી સંપન્ન થતી નથી આ માટે આપણે તેનું સન્માન પણ જાળવવું જોઈએ.

ભારતીય ધ્વજ સંહિતા 2002 મુજબ સજાની જોગવાઈ

કાગળ અને પ્લાસ્ટિકના બનેલા તિરંગા રસ્તાઓ પર પડવા એ સામાન્ય બાબત બની ગઈ છે. માહિતીના અભાવે લોકો રાષ્ટ્રધ્વજનું અપમાન કરવાની ભૂલ કરી નાખતા હોય છે. તિરંગો ફરકાવ્યા પછી સેલ્ફી લીધા એટલે આપણી ફરજ પુરી! આવું નથી. તિરંગાને ફેંકવો એ તેનું અપમાન છે. જે સજાપાત્ર ગુન્હો બને છે. જેમાં ત્રણ વર્ષની સજા અને દંડ ભરવો પડી શકે છે. ભારતીય ધ્વજ સંહિતા 2002 મુજબ સજાની જોગવાઈ છે.

રાષ્ટ્રધ્વજ બે રીતે નિકાલ કરી શકાય છે

રાષ્ટ્રધ્વજ બે રીતે નિકાલ કરી શકાય છે. જેમાં ધ્વજને દફનાવવો અને સળગાવવા જોઈએ. દફનાવવા માટે, લાકડાના બોક્સમાં ક્ષતિગ્રસ્ત ધ્વજ એકત્રિત કર્યા બાદ સારી રીતે ફોલ્ડ કરીને બોક્સમાં રાખવા જોઈએ. પછી આ બોક્સને જમીનમાં દાટી અને થોડો સમય મૌન રહેવાનો પણ નિયમ છે. રાષ્ટ્રધ્વજને બોક્સમાં રાખ્યા વગર સીધો જ જમીનમાં દાટી દેવો કાયદાકીય ગુનો છે.વધુમાં ધ્વજને બાળવા માટે સલામત સ્થળે ધ્વજને  બરાબર ફોલ્ડ કરી તેને કાળજીપૂર્વક અને આદર સાથે સળગતી આગની મધ્યમાં મુકવો જોઈએ. આ સમગ્ર પ્રક્રિયા અનુસરવી જોઈએ.