પાપડમ્ યુદ્ધ / VIDEO: પાપડ માટે લગ્નમાં ઊડી ખુરશીઓ, ત્રણના માથા ફૂટ્યા, પોલીસ 15 સામે ઠોક્યો કેસ

• કેરળમાંથી એક વિચિત્ર કિસ્સો સામે આવ્યો છે
• વરરાજાના મિત્રોને જમવમાં વધારાનો પાપડ ન મળતા કરવા લાગ્યા મારા-મારી 
• સોશ્યલ મીડિયા પર વિડીયો વાયરલ 

લોકોને તમે પૈસા, જમીન, હોદ્દા અને ખુરશી માટે લડતા-ઝઘડતા જોયા હશે. પહેલાના જમાનામાં રાજ્ય તેના વિસ્તારની સીમા માટે ઝઘડો કરતાં અને હાલ રાજનીતિમાં પાર્ટીઓ એકબીજા  સાથે હોદ્દામાં આવવા માટે ઝઘડે છે. પાકિસ્તાન કાશ્મીર માટે ઝઘડી રહ્યું છે. પુતિન યુક્રેન સામે ઝઘડી રહ્યું છે. દરેક લોકોનું ઝઘડવા પાછળ પોતાનું એક કારણ હોય છે. ઘણી વખત લગ્નમાં પણ ઝઘડા જોવા મળે છે. આવા પ્રસંગ સમે ઝઘડો કરવા માટે સંબંધીઓ ભલે બદનામ હોય પણ મિત્રો પણ કઈં ઓછા નથી. 

આવો જ એક વિચિત્ર કિસ્સો કેરળમાંથી સામે આવ્યો છે. ત્યાં એક લગ્ન સમારોહમાંથી એક ઝઘડાનો કિસ્સો સામે આવ્યો જેમાં લગ્નમાં ભોજન હતું. ભોજનમાં પાપડ હતો. વરરાજાના મિત્રો લગ્નમાં ભોજન કરી રહ્યા હતા. મિત્રોએ પાપડ માંગ્યા. પીરસનારે ના પાડી. બસ આટલી વાત હતી. આટલામાં વરરાજાના મિત્રો ગુસ્સે થયા, ઝઘડો થયો. એકબીજા સાથે મારા-મારી થઈ અને આ આખા કિસ્સામાં એક વૃદ્ધ, બે યુવાન એમ કુલ ત્રણ લોકો ઘાયલ થયા હતા. એ પછી ત્રણેયને હોસ્પિટલ લઈ જવાયા હતા. તમને જણાવી દઈએ કે પાપડના મામલે થયેલી લડાઈમાં દોઢ લાખ રૂપિયાનું નુકસાન થયું હતું.

આ કિસ્સો 31 ઓગસ્ટનો છે. બપોરના સમયે લગ્ન ચાલી રહ્યા હતા. લોકો ખુશ હતા અને ભોજન કરી રહ્યા હતા. લગ્નમાં એક પછી એક દઇશ પરોસવામાં આવતી હતી. સાથે જ પાપડ પણ આપવામાં આવતા હતા. ભોજન દરમિયાન વરરાજાના મિત્રોને વધારાનો પાપડ ન આપવામાં આવ્યો એટલા માટે અચાનક મારા-મારી શરૂ થઈ ગઈ હતી. 

In the great 100% literate state of Kerala, a fist fight broke out at a wedding after friends of the bridegroom demanded papad during the feast. This triggered a verbal spat and ended up in an ugly brawl. No wonder Mallus belo papad. 😆 pic.twitter.com/HgkEUYMwfy

— Rakesh Krishnan Simha (@ByRakeshSimha) August 29, 2022

મારામારીમાં ત્રણ લોકો ઘાયલ થયા હતા. તેમાં 74 વર્ષીય મુરલીધરન પણ સામેલ છે. મુરલી એ  જ્યાં લગ્ન થઈ રહ્યા હતા તે ઓડિટોરિયમનો માલિક છે. તેમને હોસ્પિટલમાં દાખલ કરવામાં આવ્યા છે. આ કેસમાં પોલીસે જણાવ્યું છે કે જ્યારે તેઓ પહોંચ્યા ત્યારે લોકો એકબીજા પર ખુરશીઓ અને ટેબલ ફેરવી રહ્યા હતા. આ મામલામાં પોલીસે 15 લોકો સામે કેસ દાખલ કર્યો છે.