અમદાવાદ / 10 હજારમાં ઈજ્જત ગુમાવી! અમદાવાદમાં પૈસાના મોહમાં અંધ અધિકારી કટકી કરતો ઝડપાયો, રેડમાં ઝડપાયા આટલા લાખ રૂપિયા

• સરકારી સ્કૂલો અને હોસ્ટેલની ગ્રાન્ટ ફાળવવા મામલે લાંચ લેતો અધિકારી ઝડપાયો
• એસીબીની ટ્રેપમાં ઝડપાયો પાલનપુરનાં લાંચિયો અધિકારી
• એસીબીએ આરોપીનાં 2 બેંક લોકર સીલ કર્યા

એસીબી ની કસ્ટડીમાં જોવા મળતા લાંચિયા અધિકારીનું નામ અમિત નરેન્દ્રભાઈ પટેલ છે. આરોપી અમિત પટેલ મૂળ મહેસાણા જિલ્લાના વિસનગર નો રહેવાસી છે. અને છેલ્લા એક વર્ષથી બનાસકાંઠા જિલ્લામાં સમાજ કલ્યાણ અધિકારી તરીકે ફરજ બજાવે છે. બનાસકાંઠા જિલ્લાની કુલ 52 સરકારી હોસ્ટેલ અને છાત્રાલયની દેખરેખ રાખી   સરકારી યોજનાઓ અમલીકરણ અને ગ્રાન્ટ ફાળવવાની કામગીરી કરે છે. છાત્રાલય અને હોસ્ટેલમાં ગ્રાન્ટ મંજૂર કરવાના નામે આરોપીએ રૂ 10 હજારની લાંચ માંગી હતી. એસીબીએ છટકું ગોઠવીને આરોપીને રંગે હાથે ઝડપી લીધો છે.

સરકારી ગ્રાન્ટ પાસ કરાવવા લાંચ માંગતો
ભ્રષ્ટ અધિકારી અમિત પટેલની લાંચ માંગવાની મોડ્સ ઓપરેન્ડી એવી છે કે આરોપી અમિત પટેલ છાત્રાલય કે હોસ્ટેલમાં છાત્રોના નિભાવની અને જાળવણી માટે સરકારી ગ્રાન્ટ પાસ કરાવવા માટે પોતાની ઓફિસે લાંચ માંગતો ન હતો પરંતુ જ્યારે પણ છાત્રાલય ને હોસ્ટેલ  પર ઇન્સ્પેક્શન માટે જતો તે વખતે કોઈપણ ખામીઓ કાઢી ગ્રાન્ટ મંજૂર કરાવવા માટે સ્થળ પર જ લાંચ માંગતો હતો. છાત્રાલય સંચાલક કે હોસ્ટેલ સંચાલક લાંચ ન આપે તો ગ્રાન્ટ મંજૂર ન કરવાની વાતો કરતો હોવાની કબૂલાત કરી છે.

એસીબીએ આરોપીનાં 2 બેંક લોકર સીલ કર્યા
એસીબી ની ટીમે આરોપી અમિત પટેલના મહેસાણા જિલ્લાના વિસનગરના  ઘરે  જઈને તપાસ કરતા 27 લાખ 83 હજાર મળી આવ્યા છે જેને લઈને આરોપી એ હજુ સુધી કોઈ જ સ્પષ્ટતા કરી નથી. હાલ તો એસીબીએ આરોપી ના 2 બેંક લોકર સિલ કરી અન્ય કોઈ બેનામી મિલકત છે કે કેમ તે દિશા માં તપાસ ચાલુ કરી છે.