- શિયાળાની શરૂઆત પહેલા પડશે ગરમી
- હવામાન વિભાગે ઑક્ટોબર હીટની ચેતવણી આપી
- કહ્યું ભારતનાં અનેક વિસ્તારો બીજાં ઊનાળાનો અનુભવ કરશે
દેશનાં અનેક રાજ્યોમાં મોનસૂનનો અંત આવી ગયો છે. ઑક્ટોબરનાં પહેલા સપ્તાહ સુધી અનેક રાજ્યોમાં ભારે વરસાદની સ્થિતિને લીધે લોકોને હાલાકીનો સામનો કરવો પડ્યો હતો. જો કે એ બાદ અનેક રાજ્યોમાં તાપમાન સામાન્યથી ઓછો નોંધાયો છે. તાપમાન ઘટ્યું હોવા છતાં પણ દેશનાં અનેક રાજ્યો શિયાળા પહેલાં બીજા ઊનાળાનો અનુભવ કરી રહ્યાં છે.
હવામાન વિભાગે આપી માહિતી
હવામાન વિભાગનાં અનુમાન અનુસાર ઑક્ટોબર મહિનાની શરૂઆતમાં નીચું તાપમાન નોંધાયું હતું પણ છેલ્લાં 2 દિવસોથી ગરમીમાં ફરી વધારો નોંધાયો છે. હવામાન વિભાગનાં નિષ્ણાંતોએ હાલની આ સ્થિતિને 'ઑક્ટોબર હીટ' નામ આપ્યું છે. એટલે કે ચોમાસા અને શિયાળા વચ્ચેની બીજી મોટી કાળજાળ ગરમી...
મુંબઈમાં આ સ્થિતિ ઘણી સામાન્ય
વિશેષજ્ઞોએ ચેતવણી આપી છે કે ઑક્ટોબર હીટનો સમય હવે નજીક છે. બીજા ઊનાળાનાં નામે પ્રખ્યાત ઑક્ટોબર હીટની સ્થિતિ મુંબઈ માટે સામાન્ય છે. મુંબઈમાં મોનસૂન અને શિયાળાની સીઝનની વચ્ચે આ પ્રકારે તાપમાન વધી જાય છે. જો કે હાલમાં શુષ્ક પૂર્વી હવાઓ મોનસૂનની વાપસીનાં સંકેતો આપી રહી છે તેવામાં ઉત્તર-ઉત્તરપૂર્વની હવાઓ પર ગતિ પણ પકડી રહી છે.
આ વિસ્તારોમાં ઑક્ટોબર હીટની સ્થિતિ
મુંબઈ જ નહીં પણ દેશનાં ઘણાં વિસ્તારોમાં લોકોએ ઑક્ટોબર હીટનો સામનો કરવો પડી શકે છે. દિલ્હીમાં પણ સામાન્યથી વધારેનું તાપમાન હાલમાં નોંધાયું છે. દિલ્હી NCR સિવાય ઉત્તર ભારતનાં અનેક રાજ્યોમાં હવામાનની આ જ સ્થિતિ જોવા મળી રહી છે. અનેક જગ્યાઓ પર તાપમાન 35 ડિગ્રી સેલ્સિયસથી વધારેનું નોંધાયું છે.
શું છે કારણ?
તેનું એક કારણ એ છે કે સપ્ટેમ્બરનાં છેલ્લાં સપ્તાહમાં ઉત્તરભારતનાં મોટાભાગનાં વિસ્તારોમાં વરસાદ નથી થયો. ભારતમાં ઑક્ટોબર હીટનો સૌથી વધારે પ્રભાવ મુંબઈમાં જોવા મળી રહ્યો છે. 6 ઑક્ટોબરનાં દક્ષિણ પશ્ચિમ મોનસૂનની વિદાય બાદ ગરમીમાં વધારો અનુભવાઈ રહ્યો છે.
