તમારા કામનું / જો આ બેંકમાં છે તમારું ખાતું, તો તપાસી લેજો તમારી ચેકબુક

• 1 જુલાઇથી આ બેન્કના IFSC કોડ બદલાવા જઈ રહ્યા છે
• સિંડિકેટ બેન્કના IFSC કોડ માત્ર 30 જૂન સુધી જ કાર્યરત
• તમારે બેન્કમાં જઈ નવો IFSC કોડ લેવો પડશે

1 જુલાઇથી આ બેન્કના IFSC કોડ બદલાવા જઈ રહ્યા છે

જો તમારું ખાતું સિંડિકેટ બેંકમાં છે તો આ માટે જરૂરી સમાચાર છે. ભારતમાં ઘણી બધી બેંકોને એકબીજા સાથે મર્જ કરતાં એપ્રિલ 2020થી આ બેન્ક પણ કેનેરા બેન્ક સાથે મર્જ થઈ ગયેલ છે. એટલે કે 1 જુલાઇથી આ બેન્કના IFSC કોડ બદલાવા જઈ રહ્યા છે. તેથી હવે સિંડિકેટ બેન્કના IFSC કોડ માત્ર 30 જૂન સુધી જ કાર્યરત રહેશે. 1 જુલાઇ 2021થી હવે તમારે નવો IFSC કોડ લેવો જરૂરી છે. એટલે જો તમે કે પછી તમારા ફેમિલી કે મિત્રોમાં કોઈ પણ વ્યક્તિનું ખાતું જો આ બેન્કમ હોય તો તમારે બેન્કમાં જઈ નવા IFSC કોડ માટે જવું પડશે. 

નવા ગ્રાહકો માટે છે આ સૂચના
જો તમે સિંડિકેટ બેંકના ગ્રાહક છો  તો જલ્દી થી જલ્દી આ કામ પૂરું કરી લો. જો તમે આ કામ નથી કરતાં તો તમારા ખાતામાં પૈસા આવવામાં મુશ્કેલી પડી શકે તેમ છે. એટલે જો તમારે આ મુશ્કેલીમાં ન પડવું હોય તો તમે જલ્દી થી જલ્દી આ કામ પતાવી લો. SYNBથી શરૂ થતાં બધા જ IFSC કોડ 1 જુલાઇથી કાર્યરત નહીં રહે. તેની જગ્યાએ CNRB થી IFSC કોડ શરૂ થશે. 

શું છે આ અપડેટ?
જ્યારે આ બધી બેન્કો મર્જ થઈ ત્યારે કોઈ પણ ખાતા ધારકોનો અકાઉન્ટ નંબર નથી બદલાતો, માત્ર બ્રાન્ચના આધારે IFSC કોડ બદલાઈ રહ્યો છે. એટલે જ તમારે હવે એ નવો IFSC કોડ લેવો જરૂરી છે. જેથી તમારા ખાતામાં સરળતાથી પૈસા ટ્રાન્સફર થઈ શકે. જો તમે IFSC કોડ અપડેટ નથી કરાવતા તો પૈસા ચૂકવનાર વ્યક્તિ કઈ રીતે પૈસા તમારા ખાતામાં જમા કરાવી શકે? આ સંપૂર્ણ અપડેટ બેન્ક દ્વારા આપવામાં આવેલ છે.