આજકાલ લોકોની જીવનશૈલી તથા ખાવા-પીવાની આદતો ખરાબ થઈ ગઈ છે જેથી તેની અસર વાળ પર પણ પડે છે. વાળ ખરવા એ એક ગંભીર સમસ્યા બની ગઈ છે જેથી તેનો જલદી ઈલાજ કરવો ખૂબ જ જરૂરી છે. આના માટે લોકો અનેક ટ્રિક અપનાવતા હોય છે જેમાં સીરમનો ઉપયોગ પણ કરતા હોય છે. પરંતુ જો તમે અમે જણાવેલી રીત મુજબ વાળમાં સીરમ લગાવશો તો તેના સારા પરિણામ તમને મળશે.
ડૉક્ટર પાસેથી તમારા વાળના ટેક્સચરની માહિતી મેળવવી જોઈયે કેમ કે દરેક વ્યક્તિના વાળનું ટેક્સચર અલગ હોય છે. તમારે તમારા વાળના ટેક્સચર મુજબ સીરમનો ઉપયોગ કરવો જોઈયે. તમે ખરીદેલ સીરમમાં સામેલ ઈન્ગ્રીડેન્ટ્સની પણ ખાતરી કરી લેવી જેથી તમારી સ્કેલ્પ કે વાળને કોઈ સમસ્યા ન થાય.
જો તમે પહેલાથી સીરમનો ઉપયોગ કરી રહ્યા છો અને છતા તમારા વાળ ખરી રહ્યા છો તો ચેક કરો કે તમારૂ તે સીરમ ઓઈલ બેસ્ડ તો નથી ને? જો તમારૂ સીરમ ઓઈલ બેસ્ડ હોય તો તેને બદલી વોટર બેસ્ડ સીરમનો ઉપયોગ શરૂ કરવો જોઈયે, માર્કેટમાં અનેક વોટર બેસ્ડ સીરમ ઉપલબ્ધ છે. આ સીરમથી તમારા વાળ ખરતા ઓછા થશે અને સાથે ચીકણા પણ નહીં થાય.
વધુ વાંચો : કેમિકલયુક્ત રંગોની આડઅસરથી બચવા આ ઉપાય અપનાવશો તો સ્કીનને નહીં આવે આંચ
વાળને ખરતા અટકાવવા માટે સીરમ ખૂબ ઉપયોગી સાબીત થઈ શકે છે. જે તમે સીરમને સ્પ્રે અથવા ડ્રોપરથી માથામાં લગાવશો તો તમને એના વધુ ફાયદા થઈ શકે છે. સ્પ્રે કે ડ્રોપરથી સીરમ લગાવવાથી તે સીધું તમારા સ્કેલ્પ પર લાગશે, અને ત્યાર બાદ મસાજથી સ્કેલ્પ એટલે કે માથાની ચામડીમાં ભેજ જળવાઈ રહેશે અને વાળ ખરતા પણ અટકશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
