તમારા કામનું / સાવધાન! ઘર કે પ્રોપર્ટી ખરીદતા સમયે છેતરપિંડીથી બચવું હોય તો ખાસ ચેક કરી લેજો આ ચાર દસ્તાવેજ

• શું તમે તમારા સપનાનું ઘર ખરીદવાનું વિચારી રહ્યા છો?
• ઘર ખરીદતા સમયે કેટલીક બાબતોનું ધ્યાન રાખવાની જરૂર 
• પ્રોપર્ટી સાથે જોડાયેલા ફ્રોડ થવાથી આ રીતે બચી શકો છો

પોતાનું ઘર ખરીદવાનું સપનું કોનું નથી હોતું? આજકલ મોટી સંખ્યામાં લોકો ભાડાના મકાનમાં રહે છે અને આજના સમયમાં શહેરોમાં ઘર લેવું સહેલું નથી. દરેક લોકો ઈચ્છે છે કે તેનું ખુદનું એક ઘર હોય પણ આ મોંઘવારી અને પૂરતા પૈસાની અછતને કારણે લોકો ઘર ખરીદી શકતા નથી.  પ્રોપર્ટીના ભાવ આસમાને સ્પર્શતા જોવા મળી રહ્યા છે એવામાં કાં તો લોકોએ ઘર ખરીદવા માટે આખા જીવનની કમાણી ખર્ચવી પડે છે અથવા લોકો લોન લઈને મકાન ખરીદી શકે છે. એટલા માટે જો તમે તમારા સપનાનું ઘર ખરીદવાનું વિચારી રહ્યા છો તમારા માટે એ જાણવું મહત્વપૂર્ણ છે કે આ સમય દરમિયાન કેટલીક બાબતોનું ધ્યાન રાખવાની જરૂર છે. જો ધ્યાન નહીં રાખો તો છેતરાઇ પણ શકો છો. એટલા માટે આજે અમે તમને કેટલીક બાબતો જણાવવા જઈ રહ્યા છીએ જે જાણીને તમે તમારું ઘર ખરીદતા સમયે કાળજી રાખીને સોદો કરી શકો છો આ સાથે જ છેતરપિંડીથી પણ બચી શકો છો. 

જો તમે ઘર ખરીદવા અંગે પ્લાન બનાવી રહ્યાં છો તો આ અહેવાલ તમારા માટે કામનો છે. તમારે ઘર અથવા ફ્લેટ ખરીદતા પહેલા અમુક વાતોનુ વિશેષ ધ્યાન રાખવુ જોઈએ. જેના કારણે તમે કોઈ પણ પ્રકારના નુકસાનથી બચી શકો છો. પ્રોપર્ટી પર રોકાણ કરતા પહેલા તમારે આ બાબતોનુ ધ્યાન રાખવુ પડશે. તો તમે પ્રોપર્ટી સાથે જોડાયેલા ફ્રોડ થવાથી બચી શકો છો. 

આ વાતોનું રાખો ધ્યાન 

જો તમે ફ્લેટ અથવા ઘર ખરીદી રહ્યા છો તો સૌથી પહેલા કન્ફર્મ રજિસ્ટ્રી જોવી જોઈએ. જો તે રજીસ્ટ્રી કોઈ ઘરનું નથી તો ભૂલથી પણ આવી જમીન ન ખરીદો, કારણ કે આવું ખરીદવા ભવિષ્યમાં મુશ્કેલી આપી શકે છે.

જો તમે ઘર ખરીદવાનું વિચારી રહ્યા છો તો તમારે ટાઇટલ સર્ટિફિકેટ પર ધ્યાન આપવું પડશે જણાવી દઈએ કે આ સર્ટિફિકેટ દ્વારા જ પ્રોપર્ટીની ચેઇન ડેવલપ કરવામાં આવી છે અને પ્રોપર્ટીનું ટાઇટલ ખરેખર ડેવલપર પાસે છે કે નહીં તે ચોક્કસપણે તપાસો.

તમારે ઘર ખરીદતી વખતે એ પણ ધ્યાન રાખવું જોઈએ કે ઘર સ્થાનિક સત્તાધિકારીની યોજના અનુસાર બનેલું છે કે નહીં. જો ઓથોરિટી દ્વારા મંજૂર પ્લાન વગર મકાન બનાવવામાં આવ્યું હોય તો ભવિષ્યમાં ઘણી સમસ્યાઓનો સામનો કરવો પડી શકે છે.

જો જમીન, તૈયાર મકાન અથવા ફ્લેટ વગેરે ખરીદી રહ્યા છો તો આવી સ્થિતિમાં તમે લીગલ એકપર્ટની સલાહ પણ લઈ શકો છો અને આ સિવાય પ્રોપર્ટીની માર્કેટ વેલ્યુ વિશે જાણીને પૈસા પણ બચાવી શકો છો.