હેલ્થ / નિયમિત ટામેટાં ખાતા હોય તો ડેન્જર સંકેત, પથરી, એસિડિટી સહિતની આ સમસ્યા થઇ શકે છે

ટામેટાનો ઉપયોગ અનેક રીતે થાય છે. શાકભાજીમાં પણ ટામેટાનો ઉપયોગ થાય છે અને ફ્રુટ ડિશમાં પણ ટામેટાનો સમાવેશ થતો હોય છે. ટામેટામાં અનેક વિટામીન, ફાયબર જેવા તત્વો સામેલ હોય છે. ટામેટા ખાવાના કેટલાક ફાયદા છે પરંતુ ટામેટાથી સ્વાસ્થ્યને નુકસાન પણ થઈ શકે છે. જેથી આપણે અહીંયા ટામેટાથી થતા ફાયદા અને નુકસાન બન્નેની વાત કરીશું. 

 ટામેટા ખાવાના ફાયદા

ટામેટામાં એન્ટિઓક્સિડેન્ટ અને વિટામીન સી પ્રચુર માત્રામાં હોય છે. ટામેટાથી શરીરને વિટામીન A, વિટામીન B, મેગ્નેશિયમ જેવા તત્વો પણ મળે છે. જે આપણા શરીરમાં ઈમ્યુનિટી બુસ્ટ કરીને તે ઈમ્યૂન સિસ્ટમને મજબૂત કરે છે. ટામેટામાં રહેલ લાઈકોપીન રક્ત વાહિકાઓને સારી રીતે કામ કરવામાં મદદ કરે છે. ટામેટામાં રહેલ પોટેશિયમ બ્લડ પ્રેશરમાં મદદ કરે છે તે બ્લડ પ્રેશરને ઓછુ કરે છે. ટામેટામાં ફાઈબરનું પ્રમાણ વધુ હોવાથી તે શરીરનું વજન ઘટાડવામાં મદદરુપ થઈ શકે છે. 

આ પણ વાંચોઃ સ્વાદમાં કડવું પણ શરીર માટે બેસ્ટ, કારેલા ખાવાના છે અઢળક ફાયદા, કેન્સર કદી નહીં થાય

આ રીતે કરો સેવન

જો તમે ટામેટા ખાવાનું વિચારી રહ્યા છો તો તેને રાંધીને ખાવા જોઈએ. જો તમારે કાચા ટામેટા ખાવા હોય તો તેના બીજ કાઢીને ખાવા જોઈયે. બીજ સહીત ટામેટા ખાવાથી એસિડીટીની સમસ્યા થઈ શકે છે.

 થઈ શકે છે આ નુકસાન

નિયમિત રીતે ટામેટા ખાવાથી એસિડિટીની સમસ્યા થઈ શકે છે. ટામેટા ખાવાથી પથરીની સમસ્યા પણ થઈ શકે છે. કેમ કે ટામેટામાં કેલ્શિયમ અને ઓક્સાલેટનું પ્રમાણ વધુ હોય છે જે આસાનીથી પચતુ નથી, શરીરની બહાર નથી નિકળતુ. જેથી આ મિનરલ્સ ભેગુ થઈને કિડનીમાં પથરી બને છે. પરંતુ નેશનલ કિડની ફાઉન્ડેશનનું માનવુ છે કે  ટામેટાથી તે સમસ્યા નથી થતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો