સ્પોર્ટ્સ / સિલેક્ટર્સે મોકો ન આપ્યો તો ભારતના સ્ટાર ક્રિકેટરે લીધો ચોંકાવનારો નિર્ણય, બીજા દેશ માટે રમશે!: રિપોર્ટમાં દાવો

• ભારતના આ ખેલાડીનો ચોંકાવનારો નિર્ણય 
• ભારત છોડીને અન્ય ટીમ સાથે રમવા વિદેશ જશે 
• સતત નજરઅંદાજનો સામનો કરી રહ્યા છે પૃથ્વી શૉ

આવનારા મહિનાઓ ભારતીય ક્રિકેટ ટીમ માટે ખૂબ જ વ્યસ્ત રહેવાના છે. ઘણા ક્રિકેટરો મેદાન પર સતત પરસેવો પાડતા જોવા મળશે. જોકે કેટલાક ખેલાડીઓ એવા છે જેમને રાષ્ટ્રીય ટીમમાં તક મળવી મુશ્કેલ લાગે છે. એક એવો ખેલાડી છે જેને પસંદગીકારો સતત નજરઅંદાજ કરી રહ્યા હતા. હવે તેણે ભારત છોડીને અન્ય ટીમ સાથે રમવા વિદેશ જવાનો નિર્ણય કર્યો છે.

ટીમ ઈન્ડિયામાં ઘણા સમયથી તકની રાહ જોઈ રહેલા ડેશિંગ બેટ્સમેન પૃથ્વી શૉએ એક મોટું પગલું ભર્યું છે. દલીપ ટ્રોફીમાં રમ્યા બાદ તેણે કાઉન્ટી ચેમ્પિયનશિપમાં જવાનું નક્કી કર્યું છે. જોકે હાલમાં સત્તાવાર જાહેરાત કરવામાં આવી નથી. એક ખાનગી ન્યૂઝના રિપોર્ટમાં આ વાત સામે આવી છે.

સત્તાવાર જાહેરાત ટૂંક સમયમાં થઈ શકે 
23 વર્ષીય પૃથ્વી શૉ કાઉન્ટીમાં નોર્થમ્પટનશાયર ટીમ તરફથી રમશે. તેણે આ ટીમ સાથે જોડાણ કર્યું છે, જેની સત્તાવાર જાહેરાત પણ ટૂંક સમયમાં કરવામાં આવશે. તે કાઉન્ટીની વર્તમાન સિઝનની બાકીની મેચોમાં આ ક્લબ માટે રમતા જોવા મળશે. રસપ્રદ વાત એ છે કે, પૃથ્વી શૉ જે ક્લબમાંથી કાઉન્ટીમાં રમશે, અનુભવી સ્પિનર્સ બિશન સિંહ બેદી, અનિલ કુંબલે અને સૌરવ ગાંગુલી પણ તેનો હિસ્સો છે.

દલીપ ટ્રોફીનો પણ એક ભાગ 
પૃથ્વી કાઉન્ટી ક્રિકેટમાં અને રોયલ લંડન વન ડે કપમાં 4-દિવસીય મેચ રમશે. આ પહેલા તે દલીપ ટ્રોફી મેચમાં સેન્ટ્રલ ઝોન સામે પશ્ચિમ ઝોનની ટીમનું પ્રતિનિધિત્વ કરતો જોવા મળશે. દલીપ ટ્રોફીની ફાઈનલ મેચ 12 જુલાઈથી રમાશે. પૃથ્વીએ અત્યાર સુધીમાં 5 ટેસ્ટ, 6 વનડે અને એક T20 ઈન્ટરનેશનલ મેચ રમી છે. ટેસ્ટમાં તેણે સદી સહિત 339 રન ઉમેર્યા છે. વનડેમાં તેણે 31.50ની એવરેજથી 189 રન બનાવ્યા છે. તે છેલ્લે વર્ષ 2021માં ટીમ ઈન્ડિયાની જર્સીમાં જોવા મળ્યો હતો. ત્યાર બાદ તેણે જુલાઈમાં શ્રીલંકા સામે મર્યાદિત ઓવરોની શ્રેણીમાં ભાગ લીધો હતો.