બિઝનેસ / 'હું તો 100 કલાક કામ કરું છું પણ..' વધુ એક ઉધોગપતિ ચર્ચામાં કૂદયા, કહ્યું તો 'સંડે'નું નામ 'સન ડ્યૂટી' કરી દો

શેનોયએ સોશિયલ મીડિયા પ્લેટફોર્મ એક્સ પર એક પોસ્ટમાં ઉદ્યોગપતિ તરીકે કામ કરવાનો પોતાનો અનુભવ શેર કર્યો. તેમણે કહ્યું કે તેઓ ઘણીવાર અઠવાડિયામાં 100 કલાકથી વધુ કામ કરે છે, પરંતુ વાસ્તવિક કામ ઘણીવાર દિવસમાં ફક્ત 4-5 કલાકમાં પુરુ થઇ જાય છે.

દિગ્ગજ અબજોપતિ નારાયણ મૂર્તિના અઠવાડિયામાં 70 કલાક કામ કરવાના નિવેદન અને હવે લાર્સન એન્ડ ટુબ્રો (L&T) ના ચેરમેનના અઠવાડિયામાં 90 કલાક કામ કરવાના નિવેદનથી સોશિયલ મીડિયા પર ચર્ચા શરૂ થઈ ગઈ છે. અઠવાડિયામાં 90 કલાક કામ કરવાના તેમના નિવેદન બાદ L&Tના ચેરમેન એસએન સુબ્રમણ્યમને પણ ટ્રોલ કરવામાં આવી રહ્યા છે. લોકો માને છે કે જો આપણે અઠવાડિયામાં 90 કલાક કામ કરીશું, તો ઘરકામ કે અન્ય કામ માટે આપણી પાસે સમય કેવી રીતે બચશે? આ ચર્ચામાં અનેક પ્રતિષ્ઠિત હસ્તીઓએ પોતાના મંતવ્યો વ્યક્ત કર્યા છે. દરમિયાન, કેપિટલમાઇન્ડના સ્થાપક અને સીઈઓ દીપક શેનોય પ્રોડક્ટવિટી અને વર્ક લાઇફ સંતુલન પર પોતાના વિચારો શેર કર્યા છે.

શેનોયે સોશિયલ મીડિયા પ્લેટફોર્મ એક્સ પર એક પોસ્ટમાં ઉદ્યોગપતિ તરીકે કામ કરવાનો પોતાનો અનુભવ શેર કર્યો. તેમણે કહ્યું કે તેઓ ઘણીવાર અઠવાડિયામાં 100 કલાકથી વધુ કામ કરે છે, પરંતુ વાસ્તવિક કામ ઘણીવાર દિવસમાં ફક્ત 4-5 કલાકમાં થઈ જાય છે. તેમની પોસ્ટ સૂચવે છે કે તે કામ કરેલા કલાકોની સંખ્યા વિશે નથી, પરંતુ તે કલાકો દરમિયાન તીવ્રતા અને ફોક્સ વીશે છે.

શેનોયે કામના કલાકો લાગુ કરવાની પરંપરાગત ધારણાને પણ પડકાર ફેંક્યો. તેમણે કહ્યું કે પ્રેરિત વ્યક્તિઓ સખ્ત સમયમર્યાદાની જરૂર વગર સ્વાભાવિક રીતે સખત મહેનત કરશે.

પોસ્ટમાં શું લખ્યું?

"શેનોયએ X પરની તેમની પોસ્ટમાં લખ્યું, મેં કદાચ મારી કારકિર્દી દરમિયાન અઠવાડિયામાં 100 કલાક કામ કર્યું હશે, પરંતુ તેમાંથી મોટાભાગનું કામ એક ઉદ્યોગપતિ તરીકે હતું," તમારે કામના કલાકો લાદવાની જરૂર નથી, જે લોકો પ્રેરિત છે તેઓ ખુશીથી કામ કરશે. કોઈ પણ સંજોગોમાં મોટાભાગનું વાસ્તવિક કામ દિવસમાં 4-5 કલાકમાં થાય છે, પરંતુ તે ક્યારે થાય છે તે તમને ખબર નથી.

તેમણે આગળ કહ્યું, 'મને હજુ પણ મીટિંગ્સને કામ કહેવું મુશ્કેલ લાગે છે, પરંતુ હું જે કામ કહું છું તેના કરતાં તેમાં વધુ ઊર્જા લાગે છે. અમુક હદ સુધી આ કાર્ય એક્સ કલાકનો તર્ક મારી સમજની બહાર છે. જ્યારે હું રમું છું, ત્યારે હું ખૂબ જ મજા સાથે રમુ છું. જ્યારે હું કામ કરું છું, ત્યારે હું સખત મહેનત કરું છું.

આ પણ વાંચોઃ કરદાતાઓને મોટી રાહત આપી, સરકારે GST રિટર્ન ફાઈલ કરવાની તારીખ લંબાવી

'સંડેનું નામ બદલીને 'સન-ડ્યુટી' કેમ ન રાખવું?'

જ્યારે કેટલાક ઉદ્યોગ જગતના લિડર્સએ અઠવાડિયામાં 80-90 કલાક કામ કરવાના વિચારનું સમર્થન કર્યુ હતું, ત્યારે કેટલાકે 90-કલાકના કાર્ય સપ્તાહના ખ્યાલ પર ચિંતા વ્યક્ત કરી હતી. આરપીજી ગ્રુપના ચેરમેન હર્ષ ગોયનકાએ એક્સ પ્લેટફોર્મ પર એક પોસ્ટમાં કહ્યું હતું કે અઠવાડિયામાં 90 કલાક? સંડેનું નામ બદલીને 'સન-ડ્યુટી' કેમ ન રાખવું અને 'રજાને' એક પૌરાણિક ખ્યાલ કેમ ન બનાવવો? હું સખત અને સ્માર્ટ કામ કરવામાં માનું છું, પણ જીવનને સતત કાર્યાલય શિફ્ટમાં ફેરવી દેઉ? આ સફળતા નથી, પણ થાક માટેનો નુસખા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ