- દારૂનુ સેવન સ્વાસ્થ્ય માટે વધુ હાનિકારક
- જાણો આ સરળ રીત, દારૂ બંધ કરાવવામાં થશે મદદરૂપ
- જે તમને માનસિક રીતે મજબૂત કરશે
દારૂ છોડવા માટે દ્રઢ ઈચ્છાશક્તિ ખૂબ મહત્વપૂર્ણ
દરેક નવા વર્ષે અથવા કોઈ ખાસ પ્રસંગે દારૂ પીતા ઘણા લોકો સંકલ્પ લે છે કે તેઓ દારૂનુ સેવન બંધ કરી દેશે. પરંતુ આ તેમના માટે મુશ્કેલ હોય છે. જોવામાં આવે છે કે સંકલ્પ લેવાના થોડા દિવસ બાદ તેઓ ફરીથી દારૂનુ સેવન શરૂ કરી દે છે. દારૂ છોડવાના જ્યાં ઘણા મેડિકલ ઉપાય છે, તો તેના માટે દ્રઢ ઈચ્છાશક્તિ ખૂબ મહત્વપૂર્ણ છે.
કારણ જાણો: જો તમે દારૂ છોડવા માંગો છો તો જરૂરી છે કે સૌથી પહેલા તેને છોડવાનુ કારણ જાણો. તમે જાણો કે તમારે દારૂ કેમ છોડવી જોઈએ. જો તમે વિચારશો કે હું કાલથી દારૂ છોડી દઈશ તો આ સરળ નથી. પરંતુ જો તમે કારણ જાણી લીધુ તો આ કારણથી હું દારૂ બંધ કરી દઈશ તો આ શક્ય છે. જેમકે જો તમને લાગે કે દારૂના કારણે તમારો પરિવાર વિખેરાઈ ગયો છે, તમે ગંભીર બિમારીના શિકાર થવાના છો, જેના કારણે તમે માન-સન્માન બધુ ગુમાવી ચૂક્યા છો તો પછી તમે દારૂ છોડવા માટે માનસિક રીતે મજબૂત થઇ શકશો. તેથી જરૂરી છે કે પહેલા કારણ જાણો અને લક્ષ્યને નક્કી કરો.
સ્માર્ટ લક્ષ્ય નક્કી કરો: તમે બધા સ્માર્ટ વર્ક અંગે તો જાણતા હશો. દારૂ છોડવા માટે પણ તમારે સ્માર્ટ લક્ષ્ય નક્કી કરવુ પડશે. એક વખત જો તમે લક્ષ્યોને નક્કી કરી તેમને પૂરા કરી લેશે તો પછી દારૂ છોડવુ તમારા માટે સરળ થઇ જશે. દારૂ છોડવા માટે તમે શરૂઆતમાં નાના-નાના લક્ષ્ય નક્કી કરો. જેમકે અઠવાડિયામાં ત્રણ દિવસ પીવામાં કટોતી કરવી. આ રીતે ધીરે-ધીરે પીવામાં ઘટાડો દિવસે-દિવસે વધારતા જાઓ, જ્યાં સુધી તમે પોતાના અંતિમ લક્ષ્ય સુધી પહોંચતા નથી. આ ઉપરાંત દારૂની માત્રાને સતત ઘટાડતા જાવો.
પોતાના લક્ષ્યોને બીજા સાથે શેર કરો: વિશેષજ્ઞોનુ માનવુ છે કે પોતાના લક્ષ્યોને મિત્ર, પરિવાર અથવા કોઈ શુભચિંતકની સાથે શેર કરવાથી તેને પ્રાપ્ત કરવામાં સફળતા મળે છે. તેથી તમે પણ દારૂ છોડવાના પોતાના લક્ષ્યોને પોતાના શુભ ચિંતકો સાથે શેર કરો. જેનાથી તમને દારૂ છોડવામાં સરળતા રહેશે.
દારૂની જગ્યાએ મનપસંદ પીણુ પીવો: લોકો લગ્ન સમારોહ અથવા મિત્રોની સાથે પાર્ટીમાં વારંવાર દારૂનુ સેવન કરે છે. એવામાં તમે પણ મિત્રોની સાથે પાર્ટીમાં દારૂ પીવાનુ મન કરી શકો છો. એ સમયે તમે દારૂની જગ્યાએ પોતાનુ કોઈ મનપસંદ પીણુ પીવો. આ તમને દારૂનુ સેવન બંધ કરાવવામાં મદદ કરશે.
