- એક જ સ્થળે બેસી રહેવાથી લોકો મેદસ્વીતાનો શિકાર થઈ રહ્યા છે
- કેટલાક ફળોનું નિયમિતરૂપે સેવન કરવાથી મેદસ્વીતાથી છુટકારો મળી શકે છે
- કસરત કરવાનો સમય નથી, તો ખાવા પીવાની વસ્તુથી વજન ઓછું થઈ શકે છે
આજના સમયમાં લોકો કામના ચક્કરમાં આરોગ્યનું ધ્યાન રાખી શકતા નથી. આ કારણોસર લોકોનું વજન વધી જાય છે અને પેટમાં વધુ પડતી ચરબી જમા થવા લાગે છે. કલાકો સુધી એક જ સ્થળે બેસી રહેવાથી લોકો મેદસ્વીતાનો શિકાર થઈ રહ્યા છે. શરીરનું વજન વધી જાય તો સરળતાથી ઓછું કરી શકાતું નથી. અનેક વાર લોકો બજારમાં મળતા વેઈટ લોસ સપ્લીમેંટ્સનું સેવન કરે છે, જેના કારણે તેમને નુકસાન થાય છે. જો તમારી પાસે કસરત કરવાનો સમય નથી, તો ખાવા પીવાની વસ્તુથી વજન ઓછું થઈ શકે છે. કેટલાક ફળોનું નિયમિતરૂપે સેવન કરવાથી મેદસ્વીતાથી છુટકારો મળી શકે છે. અહીંયા અમે તમને વજન અને પેટની ચરબી ઓછા કરતા ફળો વિશે જણાવી રહ્યા છીએ.
વજન ઓછું કરતા ફ્રૂટ
કીવી- કીવી એક સ્વાદિષ્ટ ફળ છે, ડેંગ્યૂના ઈલાજ માટે આ ફ્રૂટને ખૂબ જ લાભકારી માનવામાં આવે છે. વજન ઓછું કરવા માટે આ ફળ ખૂબ જ લાભકારી છે. કીવીમાં ભરપૂર માત્રામાં વિટામીન સી, વિટામીન કે, ફોલેટ અને ફાઈબર હોય છે, જે ઝડપથી વજન ઓછું કરવામાં મદદ કરી શકે છે. 12 સપ્તાહ સુધી દરરોજ 2 કીવી ખાવાથી કમર પરની ચરબી 1.2 ઈંચ સુધી ઓછી થઈ શકે છે.
એવોકાડો- એવોકાડોનું સેવન કરવાથી અનેક પ્રકારની આરોગ્યની સમસ્યાથી રાહત મળી શકે છે. એવોકાડોમાં ભરપૂર માત્રામાં પોષકતત્ત્વો હોય છે અને ખૂબ જ સ્વાદિષ્ટ હોય છે. વજન ઓછું કરવા માટે આ ફળને લાભદાયી માનવામાં આવે છે. એવોકાડોમાં કેલરી અને ફેટ વધુ હોવાથી વજન ઓછું કરવામાં મદદગાર સાબિત થાય છે. એવોકાડોનું સેવન કરવાથી ભૂખ ઓછી લાગે છે અને 12 સપ્તાહ પછી વજનમાં ઘટાડો થાય છે. એવોકાડોનું સેવન કરવાથી કોલસ્ટ્રોલ કંટ્રોલમાં રહે છે.
સફરજન- સફરજનમાં ભરપૂર માત્રામાં ફ્લેવોનોઈડ અને ફાઈબર રહેલા છે, જેનાથી પેટની ચરબી ઓછી થઈ શકે છે. સફરજનમાં ભરપૂર માત્રામાં પેક્ટિન ફાઈબર રહેલું છે, જે વજન ઓછું કરવા માટે લાભદાયી છે. સફરજનનું સેવન કરવાથી ભૂખ વધુ લાગતી નથી, જેથી કેલરી કાઉંટ ઓછા થવા લાગે છે. સફરજનમાં ખૂબ જ ઓછી માત્રામાં કેલરી અને શુગર હોય છે, જે વજન ઓછું કરવા માટે લાભકારી છે.
જામફળ- જામફળ આરોગ્ય માટે ખૂબ જ લાભકારી માનવામાં આવે છે. જામફળનું સેવન કરવાથી પેટ ભરેલુ રહે છે. જામફળનો ગ્લાઈસેમિક ઈન્ડેક્ષ ખૂબ જ ઓછો હોય છે, જેથી બ્લડ શુગરમાં વધારો થતો નથી. ડાયાબિટીસના દર્દીઓ ચિંતા કર્યા વગર જામફળનું સેવન કરી શકે છે. જે ઈન્સ્યુલિન સેંસિટિવિટીનો યોગ્ય રાખવામાં મદદ કરે છે.
બેરીઝ- શરીરની ચરબી ઓછી કરવા માટે સ્ટ્રોબેરી અને રાસબરીને ખૂબ જ અસરદાર માનવામાં આવે છે. બેરીઝમાં ભરપૂર માત્રામાં વિટામિન અને મિનરલ્સ હોય છે, જેથી સરળતાથી વજન ઓછું થઈ શકે છે. બેરીઝનું સેવન કરવાથી કોલસ્ટ્રોલ અને બ્લડપ્રેશર કંટ્રોલ કરી શકાય છે. શરીરનો સોજો ઓછા કરવા માટે બેરીઝ ખૂબ જ ગુણકારી છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
