તમારા કામનું / PANCARD ખોવાઇ કે તૂટી ગયું? તો ગભરાશો નહીં, 10 જ મિનિટમાં ફટાફટ આ રીતે કરો ડાઉનલોડ, એ પણ વગર પૈસે

• પાનકાર્ડ પણ એક પ્રકારનું આઈડી પ્રૂફ
• પાનકાર્ડ ખોવાઈ જાય તો ગભરાવાની જરૂર નથી
• ઘરે બેઠા 10 મિનિટમાં જ પાનકાર્ડ મેળવો

બેન્કમાં એકાઉન્ટ ખોલાવવાનું હોય કે, સંપત્તિ ખરીદવાની હોય. તમામ નાણાંકીય કામ માટે પાનકાર્ડ હોવું ખૂબ જ જરૂરી છે. આધારા કાર્ડની જેમ પાનકાર્ડ પણ એક પ્રકારનું આઈડી પ્રૂફ છે. જરૂરી ડોક્યુમેન્ટ ખોવાઈ જાય અથવા તૂટી જાય તો ગભરાવાની જરૂર નથી અને વારંવાર ધક્કા ખાવાની જરૂરી નથી. તમે ઘરે બેઠા 10 મિનિટમાં જ પાનકાર્ડ મેળવી શકો છો, તે માટેની પ્રોસેસ ખૂબ જ સરળ છે અને પૈસા પણ ખર્ચવાના નહીં રહે. 

ઓફલાઈન પ્રોસેસમાં વધુ સમય લાગે છે
ઓફલાઈન પ્રોસેસમાં વધુ સમય લાગતો હોવાથી લોકોને રાહત આપવા માટે આ સુવિધા શરૂ કરવામાં આવી છે. ઓફલાઈન પાનકાર્ડ માટે અરજી કરવાના સમયમાં, વેરિફિકેશન સહિત અન્ય પ્રોસેસમાં બે સપ્તાહનો સમય લાગે છે. 

આધાર કાર્ડની મદદથી પાનકાર્ડ મળી શકે છે
પાનકાર્ડ ખોવાઈ જાય તો ઈ-પાનકાર્ડ મેળવવા માટે E-PAN Service શરૂ કરવામાં આવી છે. ઈ-પાનકાર્ડ મેળવવા માટે તમારી પાસે આધાર નંબર હોવો જરૂરી છે. આધાર કાર્ડ અને પાનકાર્ડ લિંક હોય તે જરૂરી છે. 

E-PAN Service કેવી રીતે કામ કરે છે
E-PAN એક ડિજિટલી સિગ્નેચર કાર્ડ હોય છે, જે આધાર ઈ-કેવાયસી (Aadhaar E-KYC) જાણકારીના વેરિફિકેશન પછી જાહેર કરવામાં આવે છે. ઈ-પાન મેળવવા માટે આધાર કાર્ડમાં જે પણ નામ, જન્મતારીખ, લિંગની જાણકારી આપી છે, તે યોગ્ય હોવી જોઈએ. ઈ-પાનકાર્ડ અને આધાર કાર્ડની જાણકારી મેચ થવી જોઈએ. વેરિફિકેશન પછી આધાર કાર્ડ સાથે જોડાયેલ મોબાઈલ નંબર OTP આવે છે, તે એન્ટર કર્યા પછી પ્રોસેસ પૂર્ણ કરવામાં આવે છે. 

E-PAN માટેની પ્રોસેસ

• આવકવેરા વિભાગના પોર્ટલ https://www.incometax.gov.in/iec/foportal/ પર લોગિન કરો. 
• હવે હોમપેજ પર ઈન્સ્ટન્ટ ઈ-પાન ઓપ્શન પર ક્લિક કરો.
• હવે E-PAN પેજ પર click Get New e-PAN સિલેક્ટ કરો. 
• ન્યૂ E-PAN પેજ પર આધાર નંબર એન્ટર કર્યા પછી કન્ફર્મ ચેકબોક્સ પર ક્લિક કરો. 
• OTP વેલિડેશન પેજ પર Agree પર ક્લિક કરોય 
• આધાર કાર્ડ સાથે લિંક મોબાઈલ નંબરમાં 6 આંકડાનો OTP આવશે, તે એન્ટર કરો. 
• UIDAI ની સાથે આધાર કાર્ડની જાણકારી વેરિફાય કરવા માટે ચેકબોક્સ પર ક્લિક કરો. 
• વેલિડેશન આધાર ડિટેઈલ પેજ પર Agree પર ક્લિક કરો. 
• હવે મોબાઈલ નંબર પર સક્સેસફુલનો મેસેજ આવશે. તેમાં જે પણ એક્નોલેજમેન્ટ આઈડી આપ્યું છે, તે નોટ કરી લો. 

E-PAN ડાઉનલોડ પ્રોસેસ

• યૂઝર આઈડી અને પાસવર્ડથી e-Filing portal પર લોગિન કરો. 
• ડેશબોર્ડ પર સર્વિસ E-PAN ડાઉનલોડ પર ક્લિક કરો, હવે 12 આંકડાનો આધાર નંબર એન્ટર કરો. 
• મોબાઈલ પર OTP આવશે, તે એન્ટર કરો.
• હવે તમે પાનકાર્ડ ડાઉનલોડ કરી શકો છો અને તેનો ઉપયોગ પણ કરી શકો છો.