મેડિકલ માફિયા / નિવૃત ડૉક્ટરની જાણ બહાર વીમા પોલિસીનું કૌભાંડ આચરતી અમદાવાદની આ 2 હોસ્પિટલ

• કોરોનાની મહામારીમાં ઈન્સ્યોરન્સનું કૌભાંડ
• વટવા અને નિકોલની હોસ્પિટલોનું કૌભાંડ
• વીમો ઉતરાવવા માટે તબીબના નામનો ઉપયોગ

કોરોના મહામારીમાં આવ્યું ઈન્સ્યોરન્સનું મસમોટું કૌભાંડ સામે આવ્યું છે. મેડિકલ માફીયાઓ દર્દીઓની સારવાર કરી હોવાના નામે કૌભાંડ કરે છે. ખોડીયારનગરમાં આવેલી ક્રિશા હોસ્પિટલ અને વટવાની સ્પર્શ મલ્ટીસ્પેશિયાલીટી હોસ્પિટલ પર કૌભાંડના આરોપ લગાવવામાં આવ્યો છે. એક રીટાયર્ડ ડૉક્ટર અરવિંદ શાહના નામે બોગસ વીમા મૂકી કૌભાંડ કર્યાની ફરિયાદ થઇ છે. સ્પર્શ હોસ્પિટલ અને ક્રિશા હોસ્પિટલ દ્વારા જાતે જ દર્દીની હેલ્થ પોલિસી લેવામાં આવતી હોવાનો ઉલ્લેખ કરવામાં આવ્યો છે.

ખોટી પોલિસી લઈ રિટાયર્ડ ડૉ.અરવિંદ શાહના નામનો દૂર ઉપયોગ કરી બોગસ વીમા લીધા હોવાનો આરોપ લગાવવામાં આવ્યો છે. રિટાયર્ડ ડૉ.અરવિંદ શાહને સમગ્ર ઘટનાની જાણ થતાં સમગ્ર કૌભાંડ સામે આવ્યું છે. બંને હોસ્પિટલો સામે વટવા અને નિકોલ પોલીસ સ્ટેશનમાં અરજી કરવામાં આવી છે. રિટાયર્ડ ડૉ.અરવિંદ શાહે બંને હોસ્પિટલ સામે ફરિયાદ નોંધવા અરજી કરી છે. ખોડીયારનગરની ક્રિશા હોસ્પિટલે ઈલાબેન પ્રજાપતિના દર્દીનું ઈન્સ્યોરન્સ પાસ કરાવવા ફાઈલ મુકી હતી. તેમજ સ્પર્શ મલ્ટીસ્પેશિયાલીટી હોસ્પિટલે પારુબેન પરમારની ફાઇલ મુકી હતી. 

હોસ્પિટલ દ્વારા કરાયો પોતાનો બચાવ

તો આ તરફ વટવાની સ્પર્શ હોસ્પિટલ અને ક્રિશા હોસ્પિટલના માલિકોનું નિવેદન કર્યુ હતું કે હોસ્પિટલમાં વીમો પકવવા માટે કંઈ ખોટું ન થયાનો દાવો કર્યો છે. ડો. નિમેષ પ્રજાપતિએ અને ડો.કિરણે મીડિયા સમક્ષ નિવેદન આપ્યું કે ડો.અરવિંદ શાહે જ દર્દીને ટ્રીટ કરી છે. ડો.અરવિંદ શાહે શા માટે અમારા વિરુદ્ધ એફિડેવિટ કરી એ ખબર નથી. અગાઉ વીમા કંપની બંને હોસ્પિટલ સામે પોલીસમાં અરજી કરી ચૂકી છે. ડો.અરવિંદે પણ પોતાના નામે હોસ્પિટલોએ કૌભાંડ આચર્યાનો દાવો કર્યો છે.