જાણવા જેવું / ટાઈટેનિક પણ જેની આગળ પાણી ભરે, દુનિયાના સૌથી મોટા જહાજે જ્યારે ગુજરાતમાં આવી તોડ્યો દમ, યુદ્ધ પરથી છે નામ

• ટાઈટેનિક 882 ફૂટ લાંબુ હતું
• જાપાને ટાઈટેનિક કરતા પણ લાંબુ જહાજ બનાવ્યું
• આ જહાજે ગુજરાતમાં આવીને દમ તોડ્યો

ટાઈટેનિકે વર્ષ 1912માં ઈંગ્લેન્ડ છોડ્યું, ત્યારે તે વિશ્વનું સૌથી મોટું જહાજ હતું. આ જહાજ 882 ફૂટ લાંબુ હતું અને તેની પહેલી યાત્રા દરમિયાન જ પાણીમાં સમાઈ ગયું હતું. આ દુર્ઘટનામાં 1,500 લોકોએ જીવ ગુમાવ્યો હતો. જાપાને વર્ષ 1979માં આવુ જ એક જહાજ બનાવ્યું, જેની લંબાઈ ટાઈટેનિક કરતા પણ ડબલ હતી. આ જહાજે 30 વર્ષ સુધી સમુદ્રમાં પોતાનો દમ બતાવ્યા પછી ભારતના ગુજરાતમાં આવીને દમ તોડ્યો છે. 

જાપાનની સુમિટોમો હેવી ઈન્ડસ્ટ્રીઝે વર્ષ 1974-1979 દરમિયાન વિશ્વના સૌથી મોટા જહાજ ‘સીવાઈજ જોઈન્ટનું’ નિર્માણ કર્યું હતું. આ જહાજને ઓપ્પામા, હેપ્પી જાઈંટ અને જાહરે વાઈકિંગ નામ પણ આપવામાં આવ્યું હતું. તમને જણાવી દઈએ કે, આ જહાજ અનેક વાર વિવાદોમાં પણ આવી ચૂક્યું છે. 

માલિકે નકાર્યું આ જહાજ
જાપાનના ઓપ્પામા શિપયાર્ડમાં આ જહાજ તૈયાર કરવામાં આવ્યું હતું, પરંતુ યૂનાની માલિકે આ જહાજ લેવાની ના પાડી દીધી. તે સમયે આ જહાજને કોઈ નામ આપવામાં આવ્યું નહોતું. ત્યારપછી આ જહાજ બાબતે લાંબી કાયદાકીય લડાઈ ચાલી હતી. આ દરમિયાન શિપયાર્ડના નામ પર આ જહાજનું નામ ઓપ્પામા રાખવામાં આવ્યું છે. ત્યારબાદ શિપયાર્ડે ચીનના સી. વાઈ. ટુંગને આ જહાજ વેચી દીધું, ત્યારબાદ જહાજ ખરીદનારના નામ પર આ જહાજનું નામ ‘સીવાઈજ જાઈંટ’ પડી ગયું. 

ઈરાન-ઈરાક યુદ્ધ
આ જહાજને 'જહારે વાઈકિંગ' નામથી સૌથી વધુ લોકપ્રિયતા મળી હતી. આ જહાજની લંબાઈ લગભગ 1500 ફૂટ હતી અને મોટાભાગે તેનો ઉપયોગ તેલના ટેન્કરના પરિવહનમાં થતો હતો. વર્ષ 1988માં, આ જહાજને ક્રૂડ ઓઇલના પરિવહનને કારણે સૌથી મોટો ફટકો પડ્યો હતો. તે સમયે આ જહાજ ઈરાની ક્રૂડ ઓઈલ સાથે લારાક આઈલેન્ડ પર હતું. તે સમયે સદ્દામ હુસૈનની વાયુસેનાએ આ જહાજ પર હુમલો કરતા જહાજ છીછરા પાણીમાં ડૂબી ગયું હતું. ત્યારપછી આ જહાજનું સમારકામ કરવામાં આવ્યું. વર્ષ 1991માં નોર્વેની એક કંપનીએ આ જહાજ ખરીદયું અને આ જહાજને 'જહારે વાઈકિંગ' નામ આપવામાં આવ્યું. વર્ષ 1991માં આ જહાજને ફરીથી વેચવામાં આવ્યું ત્યારે તેની કિંમત લગભગ 4 કરોડ ડોલર (330 કરોડ રૂપિયા) હતી. આ જહાજને વિશ્વના સૌથી મોટા સેલ્ફ-પ્રોપેલ્ડ જહાજનું બિરુદ આપવામાં આવ્યું.

વધુ વાંચો: આગામી 7 દાયકામાં શું માનવજાતિ વિલુપ્ત થઈ જશે? રિપોર્ટનાં આંકડા ચોંકાવનારા છે 

'જહારે વાઈકિંગ'ની ગુજરાત યાત્રા
જહાજ 'જહારે વાઈકિંગ'એ લગભગ 30 વર્ષ સુધી સમુદ્ર પર શાસન કર્યા પછી, તે વર્ષ 2009 માં ગુજરાતમાં પહોંચ્યું હતું. અહીં વિશ્વના સૌથી મોટા શિપ બ્રેકિંગ યાર્ડ પૈકીના એક 'અલંગ'માં આ જહાજને તોડી પાડવામાં આવ્યું હતું. આ જહાજને તોડવા માટે એક વર્ષ લાગ્યું હતું અને 1000 મજૂરોની મદદથી આ જહાજ તોડી પડાયું હતું. આ જહાજનું લંગર લગભગ 36 ટન હતું.