વર્તમાનમાં ભાગ દોડ ભર્યા વ્યસ્ત જીવનમાં લોકો માટે સમય કાઢવો ખૂબ જ મુશ્કેલ બની ગયો છે. ઘણા લોકો તેમના ઓફિસના કામ અથવા ઘરના કામકાજને કારણે રાત્રે 12 થી 1:00 જેટલું મોડું ભોજન કરતા હોય છે. પરંતુ શું તમે જાણો છો કે મોડી રાત્રે જમવાથી આપણા શરીરને ઘણું નુકસાન થાય છે. આજે અમે તમને જણાવીશું રાત્રે મોડા જમવાથી અનેક બીમારીઓનો શિકાર બની શકો છો.
આ ગંભીર બીમારી થઈ શકે છે ?
મોડી રાત્રે જમવાથી સ્વાસ્થ્ય પર નકારાત્મક અસર પડે છે. જેના કારણે કબજિયાત, ગેસ, હાઈ બ્લડ પ્રેશર, સુગર, મોટાપણું, હૃદયરોગ જેવી ગંભીર બીમારીઓ થવાની સંભાવના વધુ રહે છે. મોડી રાત્રે લોકો જમ્યા પછી પલંગ પર સૂઈ જાય છે, જેનાથી મોટાપણું વધે છે અને પાચનમાં પણ સમસ્યા થાય છે. એક માહિતી અનુસાર મોડી રાત્રે ખોરાક ખાવાથી બીપી, કોલેસ્ટ્રોલ અથવા ડાયાબિટીસ જેવી ખતરનાક બીમારીઓ પણ થઈ શકે છે. આટલું જ નહીં તેનાથી ઉંઘ ન આવવી જેવી સમસ્યાઓ પણ થઈ શકે છે. માથાનો દુખાવો, એસિડિટી જેવી સમસ્યાઓનો પણ સામનો કરવો પડી શકે છે. આ સિવાય તે મગજ માટે ખૂબ જ હાનિકારક હોવાનું કહેવાય છે.
વાંચવા જેવું: 'રોહન ગુપ્તાએ લીક કરી દીધી આ ગુપ્ત માહિતી', મનીષ દોશીનો મોટો આરોપ
મોડી રાત્રે ભોજન લેવાનું ટાળો
જે લોકો રાત્રે ભોજન મોડા જમે છે તેમને મગજ સંબંધિત બીમારીઓ થવાની શક્યતા વધી જાય છે. આ બધી બીમારીઓથી બચવા માટે સૌથી પહેલા તમારે મોડી રાત્રે જમવાનું બંધ કરવું પડે. આ સિવાય તમારે દરરોજ રાત્રે 9 વાગ્યા પહેલા ડિનર ખાવાનો પ્રયત્ન કરવો જોઈએ. રાત્રિભોજનમાં કેફીન અને આલ્કોહોલ ટાળવો જોઈએ. અડધી રાત્રે ભૂખ લાગે તો પણ થોડો હળવો ખોરાક લેવો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
Disclaimer: આમાં આપવામાં આવેલી માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ લેવી.
