સતર્કતા / ચીની વાયરસને લઈ ગુજરાતનું આરોગ્ય તંત્ર એલર્ટ: હોસ્પિટલોમાં કરાશે મોકડ્રીલ, અપાઇ મહત્વની સૂચના

• ચીનમાં રહસ્યમય બીમારી વકરતા ગુજરાતમાં એલર્ટ
• ચીની વાયરસને લઈ રાજ્યનું આરોગ્ય વિભાગ સતર્ક
• કેન્દ્રીય આરોગ્ય મંત્રાલયે રાજ્યોને મોકલી માર્ગદર્શિકા 

ચીનમાં રહસ્યમય બીમારી વકરતા ગુજરાતમાં આરોગ્ય વિભાગે એલર્ટ જાહેર કર્યું છે. ચીની વાયરસને લઈ રાજ્યનું આરોગ્ય વિભાગ સતર્ક થયું છે.તો બીજી તરફ કેન્દ્રીય આરોગ્ય મંત્રાલયે રાજ્યોને માર્ગદર્શિકા મોકલી છે. 

હોસ્પિટલોમાં મોકડ્રિલનું આયોજન
અત્રે જણાવી દઈએ કે, 19 ડિસેમ્બર સુધી રાજ્યની હોસ્પિટલોમાં મોકડ્રિલનું આયોજન થશે. ઓક્સિજન, બેડ, દવાઓની હોસ્પિટલમાં ચકાસણી પણ કરવામાં આવશે. તમામ હોસ્પિટલોને તમામ સુવિધા ઉપલબ્ધ રાખવા સૂચના અપાઈ છે.

AMCએ તૈયારીઓ શરૂ કરી દીધી
 ચીનમાં ફેલાયેલા વાયરસ મામલે AMC એ તૈયારીઓ શરૂ કરી દીધી છે. થોડા દિવસ અગાઉ  AMC સંચાલિકત હોસ્પિટલમાં જરૂરી દવા ઉપલબ્ધ કરવાની સૂચના આપવામાં આવી હતી. હોસ્પિટલમાં જરૂરી હવા, ઓક્સિજન, કાર્યરત કરવાની સૂચના આપવામાં આવી છે. તેમજ વેન્ટિલેટર આગામી સમયમાં શરૂ કરવામાં આવશે. તેમજ કોરોનાં લક્ષ્ણો આમાં જોવા મળી રહ્યા છે. તાવ, ઝાડા, ઉલટી જેવા લક્ષણો જોવા મળે છે. આવા લક્ષણો સાથે દર્દીઓ આવે તો સેમ્પલ ઝીનોમ સિકવંસિંગ માટે મોકલવામાં આવશે.

આરોગ્ય વિભાગ સજ્જ
ચીનની બીમારી સામે અમદાવાદ આરોગ્ય વિભાગ સજ્જ છે. સિવિલ હોસ્પિટમાં બાળકો માટે વોર્ડ બનાવાવાય છે. આ બાબતે સિવિલ સુપ્રિટેન્ડન્ટ રાકેશ જોશીએ નિવેદન આપ્યું  હતું કે, ચીનની બીમારી ન્યૂમોનિયા પ્રકારનો રોગ છે. સિવિલમાં બાળકો માટે 300 બેડ ગોઠવાયા છે. ચીનમાં ફેલાયેલા રહસ્યમય રોગ પર નજર રાખી રહ્યા છે. તેમજ સિવિલ હોસ્પિલમાં વેન્ટિલેટર, PPE કીટ, એન્ટી વાયરલ દવાનો જથ્થો ઉપલબ્ધ છે. બાળકોમાં શરદી, ફેફસામાં બળતરા, આકરો તાવ જણાય તો તબીબનો સંપર્ક સાધવો. જરૂર જણાશે તો આઈસોલેશન વોર્ડ પણ શરૂ કરાશે.