તમારા કામનું / શું હજુ સુધી કંપનીએ જમા નથી કર્યા PFના પૈસાં? તો આ રીતે કરો ઓનલાઇન ફરિયાદ, વ્યાજ સહિત મળશે લાભ

• કેટલીક કંપનીઓ કર્મચારીઓના PFમાં તેમનું યોગદાન નથી આપતી
• કર્મચારીને થયેલા નુકસાનની ભરપાઈ   કંપનીએ કરવાની રહેશે
• તમે EPFOને ઓનલાઈન ફરિયાદ કરી શકો છો

 ભારતમાં કોઈપણ કંપની અથવા સંસ્થા જેમાં 20 થી વધુ કર્મચારીઓ કામ કરે છે, તો તેમના માટે કર્મચારીઓનું ઈપીએફ ખાતુ (EPF) ખોલાવવું જરૂરી છે. આ ખાતામાં કર્મચારી અને એમ્પ્લોયર બંને યોગદાન આપે છે. પરંતુ, ઘણી વખત એવું બને છે કે કેટલીક કંપનીઓ કર્મચારીઓના પીએફમાં તેમનું યોગદાન નથી આપતી. જો તમારી કંપની પણ આવું કરી રહી છે તો તે નિયમોનું ઉલ્લંઘન કરી રહી છે. તમે તેની ફરિયાદ ઓનલાઈન EPFO ને કરી શકો છો.

Employers defaulting on contributions are liable to pay Damages & Interest on the amount due.#AmritMahotsav #epfo #PF @PMOIndia @byadavbjp @Rameswar_Teli @LabourMinistry @mygovindia @PIB_India @MIB_India @AmritMahotsav pic.twitter.com/19ZLL5ohA2

— EPFO (@socialepfo) February 17, 2023

વિલંબથી કર્મચારીને થયેલા નુકસાનની ભરપાઈ કંપનીએ કરવાની રહેશે
સુપ્રીમ કોર્ટે પણ ફેબ્રુઆરી 2022માં આપેલા એક નિર્ણયમાં કહ્યું હતું કે જો કંપની કોઈ કર્મચારીના પ્રોવિડન્ટ ફંડ (EPF) યોગદાનમાં પૈસા નાખવામાં વિલંબ કરે છે, તો આ વિલંબથી કર્મચારીને થયેલા નુકસાનની ભરપાઈ કંપનીએ કરવાની રહેશે. આ રીતે કંપની કર્મચારી ભવિષ્ય નિધિ અને વિવિધ જોગવાઈઓ અધિનિયમ, 1952 ની કલમ 14બી અને કલમ 7ક્યૂ હેઠળ વિલંબ પર યોગદાન પર વ્યાજ ચૂકવવા માટે બંધાયેલ છે.
આ રીતે કરો ઓનલાઈન ફરિયાદ 
જો તમારી કંપનીએ તમારા PF ખાતામાં તેમના દ્વારા જમા કરવામાં આવતા પૈસા જમા નથી કરાવ્યા તો તમે EPFOને ઓનલાઈન ફરિયાદ કરી શકો છો. આ માટે સૌથી પહેલા તમારે EPFOની ઓફિશિયલ વેબસાઈટ પર જવું પડશે. આ પછી તમે Register Grievance પર જાઓ, તેના પર ક્લિક કરો. પછી PF મેમ્બર,   EPS પેન્શનર, Employerમાંથી કોઈપણ એક વિકલ્પ પસંદ કરો. PF મેમ્બરને પસંદ કરો અને UAN નંબર અને સિક્યુરિટી કોડ એન્ટર કરો. હવે Get Details વિકલ્પ પર ક્લિક કરો. પછી Get OTP પર જાઓ. આ પછી તમારે તમારી અંગત વિગતો ભરવાની રહેશે. આ પછી તમે તમારી ફરિયાદ નોંધાવી શકો છો.