જય બજરંગબલી / યુટ્યુબ પર હનુમાન ચાલીસાએ બનાવ્યો રેકોર્ડ, ભારતમાં અત્યાર સુધીમાં સૌથી વધુ જોવાયેલ વિડીયો બન્યો

• હનુમાન ચાલીસા સૌથી વધુ પ્લે કરવામાં આવતો વીડિયો બની ગયો
• આટલા વ્યૂઝ મેળવનારો ભારતનો પહેલો વીડિયો બન્યો 
• કોણ હતા ગુલશન કુમાર? 

યુટ્યુબ પર હનુમાન ચાલીસાના ઘણા વર્ઝન ઉપલબ્ધ છે પણ હરિહરન દ્વારા ગાવામાં આવેલ ટી-સિરીઝની હનુમાન ચાલીસા આજ સુધી સૌથી વધુ સાંભળવામાં આવી છે. જણાવી દઈએ કે હનુમાન ચાલસીનો આ વીડિયો યુટ્યુબ પર સૌથી વધુ પ્લે કરવામાં આવતો વીડિયો બની ગયો છે. 

આટલા વ્યૂઝ મેળવનારો ભારતનો પહેલો વીડિયો બની ગયો
જણાવી દઈએ કે આ વિડિયો T-Series પર 10 મે, 2011ના રોજ અપલોડ કરવામાં આવ્યો હતો અને અત્યાર સુધીમાં 300 કરોડ એટલે કે 3 બિલિયનથી વધુ લોકોએ આ વીડિયો જોયો છે અને યુટ્યુબ પર આટલા વ્યૂઝ મેળવનારો આ ભારતનો પહેલો વીડિયો બની ગયો છે. નોંધનીય છે કે વીડિયોમાં ગુલશન કુમાર હનુમાન ચાલીસા ગાતા જોવા મળી રહ્યા છે અને કુલ 9 મિનિટ 41 સેકન્ડના આ વીડિયો છે જેમાં આખી હનુમાન ચાલીસા ગાવામાં આવી રહી છે. 

વર્ષ 2021માં આ વીડિયોને 1 બિલિયન એટલે કે 100 કરોડ વ્યૂઝ મળ્યા હતા પણ 2023ની શરૂઆતમાં જ હવે આ વીડિયોને 3 બિલિયન એટલે કે 300 કરોડ વ્યૂઝ મળ્યા છે.

કોણ હતા ગુલશન કુમાર? 
જણાવી દઈએ કે હનુમાન ચાલીસાના એ 9 મિનિટ 41 સેકન્ડના વિડીયોમાં  ગુલશન કુમાર 'હનુમાન ચાલીસા' ગાતા જોવા મળે છે અને ગુલશન કુમારે વીડિયોમાં ચાલીસાની ચોપાઈઓનું વર્ણન કર્યું છે. એ સમયે ગુલશન કુમારને ભજન સમ્રાટ કહેવામાં આવતા અને વર્ષ 1983માં T-Seriesની સ્થાપના કરી હતી. આપણએ બધા જાણીએ છીએ કે આજે T-Seriesની બ્રાન્ડ વેલ્યુ કરોડોમાં છે 

જ્યારે ગુલશન કુમારે ટી-સિરીઝનો પાયો નાખ્યો હતો અને જ્યારે તેઓ સફળતા તરફ આગળ વધી રહ્યા હતા ત્યારે એમની ગોળી મારીને હત્યા કરવામાં આવી હતી. જણાવી દઈએ કે 12 ઓગસ્ટ 1997નો દિવસ હતો જ્યારે 42 વર્ષીય ગુલશન કુમાર નમાજ પઢીને પોતાની કાર તરફ જઈ રહ્યા હતા ત્યારે  કેટલાક લોકો આવ્યા અને ગુલશન કુમારના કપાળ પર રિવોલ્વર મૂકીને કહ્યું કે, 'તમે અંહિયા પૂરતી પૂજા કરી લીધીહવે ઉપર જઈને કરો' આમ કહેતાની સાથે જ એમને ગોળીબાર કર્યો અને ગુલશન કુમારનું મોત થયું હતું.