દુ:ખદ / દેશના મોટા ઉદ્યોગપતિનું 57 વર્ષની વયે સિંગાપોરમાં નિધન, આ બીમારીથી હતા પીડિત

• હલ્દીરામ ભુજિયાવાળાના માલિકનું નિધન 
• સિંગાપુરમાં લીધા અંતિમ શ્વાસ
• લિવરની બિમારીથી હતા પીડિત 

દેશ વિદેશમાં જાણીતી નમકીન અને મીઠાઇની પ્રીમિયમ બ્રાન્ડ હલ્દીરામ ભુજિયાવાળાના માલિક અગ્રવાલનું નિધન થઇ ગયું છે. સિંગાપુરમાં એમને લિવરથી જોડાયેલી સારવાર ચાલી રહી હતી. 

લિવર ટ્રાન્સપ્લાન્ટ છતાં ના બચ્યો જીવ 
સિંગાપુરની એક હોસ્પિટલમાં મહેશ અગ્રવાલનું લિવર ટ્રાન્સપ્લાન્ટ કરવામાં આવ્યું હતું, પરંતુ એમનો જીવ બચાવી શકાયો નહીં. 

આ કંપની પાછળ અગ્રવાલ પરિવારના ઘણા પેઢીઓની મહેનત છુપાયેલી છે. હલ્દીરામ કંપનીની શરૂઆત એક નાની દુકાનથી થઇ હતી. ગંગાવિશન અગ્રવાલે રાજસ્થાનના બીકાનેરમાં એક નાની દુકાન વર્ષ 1937માં શરૂ કરી હતી. જેમાં એ મીઠાઇ અને નમકીન વેચતા હતા. આ વાસ્તવમાં એમ પિતા તમસુખદાસ દ્વારા શરૂ કરવામાં આવેલ ભુજિયા સેવનો વેપાર હતો. 

ગંગાવિશન અગ્રવાલના પૌત્ર મહેશ અગ્રવાલ હતા. મહેશ અગ્રવાલના પિતા રામેશ્વર લાલ અગ્રવાલ હતા, જે ગંગાવિશન અગ્રવાલના મોટા પુત્ર હતા. મહેશ અગ્રવાલના પિતા રામેશ્નર લાલ અગ્રવાલને ભુજિયા વેપારને વધારવાનો શ્રેય જાય છે. એમને જ 1970માં કલકત્તામાં મેન્યૂફેક્ચરિંગની શરૂઆત કરી હતી. 

કંપનીનો વિસ્તાર 
હલ્દીરામ કંપની નાગપુરમાં આશરે 100 એકડમાં ફેલાયેલી છે. આ ઉપરાંત બીકાનેર, કલકત્તા અને દિલ્હીમાં કંપનીનો મોટો વેપાર છે. અગ્રવાલ પરિવારે 1883માં કંપનીના વેપારને દિલ્હીમાં વિસ્તાર કર્યો. હલ્દીરામના આશરે 400 પ્રકારની પ્રોડક્ટ્સ બજારમાં છે. વર્ષ 2018માં હલ્દીરામ ના રેવેન્યૂમાં 13 ટકાનો વધારો થયો હતો. આ વધારાની સાથે વેપાર 4000 કરોડનો આંકડો પાર કરી નાંખ્યો હતો. 

જણાવી દઇએ કે કોરોના વાયરસના સંક્રમણથી બચવા માટે કેન્દ્ર સરકારે તમામ આંતરરાષ્ટ્રીય અને રાષ્ટ્રીય ફ્લાઇટ રદ કરી દીધી છે. ભારત સહિત ઘણા દેશોમાં કોરોના વાયરસના સંક્રમણને રોકવા માટે લૉકડાઉન લાગૂ છે અને લોકો પોતાના ઘરમાં બંધ છે. 

સિંગાપુરની સરકારે પણ લૉકડાઉનની જાહેરાત કરી છે. અહીંયાની સરકાર 7 એપ્રિલથી એક મહિના સુધી લૉકડાઉનની જાહેરાત કરી ચુકી છે. જો કે મહેશ અગ્રવાલના પરિવારને ઘર પાછા આવાની ચિંતા થઇ રહી છે.