અમદાવાદ / પોલીસનો આ ચેહરો તમે નહીં જોયો હોય, ગુલબાઈ ટેકરા પોલીસ ચોકીના કર્મચારીની જોરદાર પહેલ

• ગુલબાઇ ટેકરા પોલીસની સરાહનીય કામગીરી
• શ્રમજીવી પરિવારને પુરી પાડી તબીબી સેવા
• પોલીસ ચોકીમાં ઉભુ કર્યુ દવાખાનું 

શાંતિ, સુરક્ષા અને સલામતી જાળવવાનું કાર્ય છે પોલીસનું. પોલીસ ગુંડાતત્વોને ડામવાનુ કામ તો કરે જ છે પરંતુ સમાજને ઉપયોગી પણ એટલી જ થાય છે. આવુ જ એક ઉદાહરણ સામે આવ્યુ અમદાવાદમાં.  અમદાવાદમાં પોલીસ દ્વારા સ્લમ એરિયાના વિસ્તારમાં તબીબી સેવા પહોંચાડવામાં આવી.

મફતમાં તબીબી સેવા

અમદાવાદનો ગુલબાઇ ટેકરા વિસ્તાર. આ વિસ્તારમાં મૂર્તિ બનાવનાર મોટા ભાગના શ્રમિકો રહે છે. સ્લમ વિસ્તાર ગણાતા આ વિસ્તારમાં લોકો રોજી રોટી મેળવવા માટે રોજે કમાઇને ખાય છે. ત્યારે આ લોકો પાસે દવાખાને જવાના પૈસા તો ક્યાંથી હોય ? ત્યારે ગુલબાઇ ટેકરા પોલીસ ચોકી દ્વારા એક સરાહનીય કામ કરવામાં આવ્યું.  પોલીસ દ્વારા તમામ લોકોને તબીબી સુવિધા ઘરે બેઠા જ આપવામાં આવી.

પોલીસ સ્ટેશનમાં દવાખાનું

આ દ્રશ્યોમાં તમે જોઇ શકશો કે પોલીસ સ્ટેશનમાં દવાખાનાની કામગીરી ચાલી રહી છે. મહિલા ડોક્ટર પોલીસ સ્ટેશનમાં બેસીને સ્લમ વિસ્તારના લોકોને ચકાસી રહ્યા છે. ગરીબોના ઇલાજ માટે પોલીસ ચોકીમાં જ તબીબને બોલાવાયા. શ્રમજીવી પરિવારે ડૉક્ટર સાથે બાળકો સહિત પરિવારનુ હેલ્થ ચેકઅપ કરાવ્યુ. શ્રમજીવી પરિવારોએ પોલીસનો આભાર માન્યો. મહત્વનુ છે કે શ્રમજીવી વિસ્તારમાં રહેતા લોકોના સ્વાસ્થ્યની  ગુલબાઇ ટેકરા પોલીસે ચિંતા કરી. પોલીસે તેઓને સારવાર માટે ક્યાંય બીજે નહી પરંતુ પોલીસ ચોકીમાં જ બોલાવી લીઘા. પોલીસ ચોકીમાં જ તબીબની ટીમને બોલાવીને નિદાન કર્યુ. ત્યાર પોલીસની આ સરાહનીય કામગીરીથી શ્રમજીવીઓ  પણ ખુશ જણાયા.  ગરીબોએ પોલીસનો આભાર માન્યો. ત્યારે આ ઘટના જોઇને એમ થાય કે કે તમે વ્યવસાયે કંઇ  પણ હોવ પરંતુ તમારા મનમાં સેવા કરવાની ભાવના હોય તો તમે કોઇ પણ કાળે સેવા કરી શકો છો.