દુર્ઘટના / ગુજરાતના ત્રણ વિદ્યાર્થીઓના કેનેડામાં કાર અકસ્માતમાં મોત, પરિવારમાં શોકનું મોજું

કેનેડાના ન્યૂ બ્રુન્સવિક શહેરમાં અભ્યાસ અર્થે ગયેલા ગુજરાતના ત્રણ વિદ્યાર્થીઓના અકસ્માતમાં મોત થયા હતા. કેનેડામાં અભ્યાસ કરતા મિત્રો કાર લઇને ફરવા ગયા હતા. પરંતુ તેમને પરત ફરતા સમયે અકસ્માત નડ્યો હતો. જેમાં ભરૂચ, અંકલેશ્વર અને જંબુસરના વિદ્યાર્થીનું મોત થયું હતું. જ્યારે અન્ય એક ઇજાગ્રસ્ત થયો. 

આ અકસ્માતમાં એક જંબુસર, એક ભરૂચ અને એક અંકલેશ્વરના વિદ્યાર્થી હોવાનું સામે આવ્યું છે. આ ગમખ્વાર અકસ્માત થતા મૃતકોના પરિવારમાં શોકનું મોજું ફરી વળ્યું છે.

કેનેડા ન્યૂઝ એજન્સીના જણાવ્યા અનુસાર, ન્યૂ બ્રુન્સવિકમાં કાર અકસ્માતમાં ત્રણ વિદ્યાર્થીઓના મોત થયા હતા. જેમાં જંબુસરના જેનિશ રાણા કેનેડામાં એન્જિનિયરિંગનો અભ્યાસ કરતો હતો. જેમની એક ફેસબુક પોસ્ટ પણ સામે આવી છે.