હવામાન અપડેટ / રાજ્યમાં ઠંડીનો ચમકારો, કેશોદમાં 8.1 તાપમાન નોંધાયું, 24 કલાકમાં 2થી 3 ડિગ્રી વધશે

Gujarat Winter : રાજ્યના હજી પણ કડકડતી ઠંડીનો માહોલ યથાવત જોવા મળી રહ્યો છે. ગુજરાતના અનેક વિસ્તારોમાં વહેલી સવાર અને રાત્રીના સમયે ઠંડીનો ચમકારો અનુભવાઈ રહ્યો છે. તાજેતરના આંકડા મુજબ રાજ્યના 10થી વધુ શહેરોમાં લઘુતમ તાપમાન 13 ડિગ્રીથી નીચે નોંધાયું છે.

અનેક શહેરોમાં તાપમાન 13 ડિગ્રીથી નીચે

વિગતો મુજબ ગત રાત્રે સૌરાષ્ટ્રના કેશોદમાં રાજ્યનું સૌથી ઓછું તાપમાન નોંધાયું હતું, જ્યાં પારો 8.1 ડિગ્રી સુધી નીચે ઉતરી ગયો હતો. કેશોદ બાદ નલિયા, અમરેલી અને દાહોદ જેવા વિસ્તારોમાં પણ ઠંડીનો ખાસ્સો પ્રભાવ જોવા મળ્યો.

આ પણ વાંચો : ક્યાંક ગાઢ ધુમ્મસ તો ક્યાંક વરસાદની ચેતવણી, આગામી પાંચ દિવસ કેવું રહેશે હવામાન ? વાંચો અહીં

24 કલાકમાં 2થી 3 ડિગ્રીનો વધારો થવાની શક્યતા

હવામાન વિભાગના જણાવ્યા અનુસાર આગામી 24 કલાક દરમિયાન લઘુતમ તાપમાનમાં આશરે 2થી 3 ડિગ્રીનો વધારો થવાની શક્યતા છે. તેમ છતાં વહેલી સવાર અને મોડી રાતે ઠંડી યથાવત રહેશે તેવી આગાહી કરવામાં આવી છે. રાજ્યના મોટા શહેરોની વાત કરીએ તો અમદાવાદમાં લઘુતમ તાપમાન 14.5 ડિગ્રી નોંધાયું છે, જ્યારે રાજકોટ, વડોદરા અને ડીસા જેવા શહેરોમાં તાપમાન 12 ડિગ્રીની આસપાસ રહ્યું છે. કંડલામાં પણ ઠંડકનો અહેસાસ જોવા મળ્યો છે.

શહેરવાર લઘુતમ તાપમાન (ડિગ્રી સેલ્સિયસ)

• કેશોદ – 8.1
• નલિયા – 9.2
• અમરેલી – 9.4
• દાહોદ – 9.7
• ડીસા – 11.0
• રાજકોટ – 11.3
• વડોદરા – 11.8
• કંડલા – 12.2
• અમદાવાદ – 14.5

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ