શપથ ગ્રહણ / ગુજરાતમાં નવા લોકાયુક્ત પદે નિવૃત જસ્ટિસ રાજેશ એચ શુક્લએ લીધા શપથ

• ગુજરાતના નવા લોકાયુક્ત તરીકે રાજેશ શુક્લએ લીધા શપથ
• HCના મુખ્ય ન્યાયાધિશ સહિતના જજ રહ્યાં હાજર
• છેલ્લા દોઢ વર્ષથી લોકાયુક્તનું સ્થાન હતું ખાલી

રાજભવન ખાતે રાજ્યપાલે લેવડાવ્યા શપથ 

ગુજરાતના લોકાયુક્ત પદે નવ નિયુક્ત થયેલા નિવૃત જસ્ટિસ રાજેશ એચ શુક્લાને રાજ્યપાલ આચાર્ય દેવવ્રતજીએ રાજભવન ખાતે મુખ્યમંત્રી  વિજય ભાઈ રૂપાણી ની ઉપસ્થિતિમાં હોદ્દો અને ગુપ્તતાના શપથ લેવડાવ્યા હતા

કોણ કોણ રહ્યા હાજર

શપથવિધીમાં CM રૂપાણી, ભૂપેન્દ્રસિંહ ચુડાસમા હાજર રહ્યાં હતા. HCના મુખ્ય ન્યાયાધિશ સહિતના જજ હાજર રહ્યાં હતા. છેલ્લા દોઢ વર્ષથી લોકાયુક્તનું સ્થાન હતું ખાલી. 

ગુજરાતમાં છેલ્લા 2 વર્ષથી ખાલી પડેલ લોકાયુક્તની જગ્યા પર ગુજરાત હાઈકોર્ટના નિવૃત્ત જજ રાજેશ શુક્લાની નિયુક્તિ, આજે ગુજરાતના રાજ્યપાલ આચાર્ય દેવવ્રતે તેમને શપથ લેવડાવ્યા #Gujarathighcourt @ADevvrat @vijayrupanibjp @CMOGuj pic.twitter.com/xfQVFtP957

— VTV Gujarati News and Beyond (@VtvGujarati) June 23, 2020

વિધાનસભા અધ્યક્ષ રાજેન્દ્ર ભાઈ ત્રિવેદી અને રાજ્યમંત્રી મંડળના સભ્યો તેમજ મુખ્ય સચિવ અનિલ મુકિમ, રાજ્ય વડી અદાલતના ન્યાયમૂર્તિઓ અને રાજ્ય સરકારના વરિષ્ઠ સચિવો આ અવસરે ઉપસ્થિત રહ્યા હતા.શપથ વિધિ સમારોહ પ્રવર્તમાન કોરોના સંક્રમણની સ્થિતિમાં સોશીયલ ડિસ્ટેન્સિંગના અનુપાલન સાથે સંપન્ન થયો હતો.

જસ્ટિસ આર એચ શુક્લા કોણ છે

1981માં વકીલાતનો વ્યવસાય અપનાવ્યા બાદ તેમણે 1982થી ગુજરાત સરકારના પેનલ પરના ખાસ વકીલના પ્રતિનિધી તરીકે કામ કર્યું છે. 1994માં તેઓ અમદાવાદ સીટી સિવિલ અને સેશન્સ જજ બન્યા. અમદાવાદમાં 1988માં થયેલાં પ્લેન ક્રેશના કેસમાં ભોગ બનનારાં લોકોને વળતર આપવાનો ચૂકાદો પણ તેમણે સંભળાવ્યો હતો. નવેમ્બર 2007માં ગુજરાત હાઇકોર્ટના અધિક ન્યાયમૂર્તિ, મે 2009માં તેઓ કાયમી જજ બન્યા હતા. નિવૃત્ત જસ્ટીસ આર એચ શુક્લાએ 2010માં એક VIP વ્યક્તિના જામીન આપ્યા હતા જે હાલમાં દેશમાં એક મહત્વના અને શક્તિશાળી પદ પર કાર્યરત છે. 

લોકાયુક્તનું શું કાર્ય હોય છે

લોકાયુક્તને મુખ્ય પ્રધાન સહિત રાજ્યના મંત્રીઓ વિરુદ્ધ સરકારમાં ગેરરીતિઓ અથવા ભ્રષ્ટાચાર અથવા ભ્રષ્ટ વ્યવહાર અંગેની ફરિયાદોની તપાસ માટે પણ સત્તા આપવામાં આવી છે. તેમનું મુખ્ય કામ રાજ્યમાં થતાં ભ્રષ્ટાચાર રોકવાનું તેમ જ ફરિયાદોને આધારે કાર્યવાહી કરવાનું મુખ્ય કામ હોય છે. 

લોકાયુક્તની કેવી રીતે પસંદગી થાય છે

ઉલ્લેખનીય છે કે, લોકાયુક્તની નિમણૂંક માટે એક ખાસ કમિટી બનાવવામાં આવી હોય છે જેમાં મુખ્યમંત્રી, ચીફ જસ્ટીસ અને વિધાનસભાના વિરોધપક્ષના નેતા સામેલ હોય છે. 

અગાઉ કોણ હતુ લોકાયુક્ત

અગાઉ જસ્ટિસ ડી.પી.બુચ 5 વર્ષ સુધી ગુજરાતમાં લોકાયુક્ત રહ્યાં હતા. ડિસેમ્બર 2018માં ડી.પી.બુચનો કાર્યકાળ પૂર્ણ થયો હતો. લોકાયુક્ત સરકારી તંત્રમાં ભ્રષ્ટાચાર રોકવા કામ કરે છે.