રાજનીતિ / SC-ST પર હુમલામાં ગુજરાત દેશમાં 5માં નંબરે', લોકસભામાં જાહેર થયેલા આંકડા બાદ કોંગ્રેસને પાણી ચડ્યું, સરકારને ઘેરી

• કોંગ્રેસ પ્રવક્તા હિરેન બેન્કરની પત્રકાર પરિષદ
• St sc ના આંકડા સામે આવ્યા એ ચોંકાવનારા અને ગંભીર છે : કોંગ્રેસ
• ત્રણ વર્ષમાં અનુસુચિત જાતિ પર 953 ગંભીર એટ્રોસિટીની ગંભીર ઘટનાઓ : કોંગ્રેસ
• Vtv આ વીડિયોની પુષ્ટિ કરતું નથી

 કોંગ્રેસના પૂર્વ ધારાસભ્ય નૌશાદ સોલંકીએ પોતાના ટ્વિટર એકાઉન્ટમાંથી એક વીડિયો વાયરલ કર્યો છે.  જેમાં સોસાયટીના કેટલાક શખ્શો દ્વારા સોસાયટીમાં રબારી, ભરવાડ તેમજ SC-ST તેમજ ઓબીસી સમાજના લોકોને મકાન ભાડે ન આપવા બાબતે સોસાયટીના શખ્શો દ્વારા નિર્ણય કરવામાં આવ્યો છે.  જે વીડિયો સોશિયલ મીડીયામાં વાયરલ થવા પામ્યો છે. જ્યારે આ વીડિયોની પુષ્ટિ Vtv કરતું નથી.

અનુસુચિત જાતિ પર દર 48 કલાકે 1 અત્યાચાર-હુમલોની ઘટના બને છે
ત્યારે આ બાબતે કોંગ્રેસ દ્વારા પત્રકાર પરિષદનું આયોજન કરવામાં આવ્યું હતું. જેમાં કોંગ્રેસના પ્રવક્તા હિરેન બેન્ક દ્વારા જણાવ્યું હતું કે ગુજરાત જે પ્રકારે પ્રગતિશીલની વાતો કરે છે.  ત્યારે SC-ST ના આંકડા ચોંકાવનારા અને ગંભીર આંકડા સામે આવવા પામ્યા છે.  લોકસભામાં ગુજરાતના ચોંકાવનારા આંકડા સામે આવ્યા છે.  વર્ષ માં 321 કેસ રજીસ્ટર જ્યારે સજા માત્ર 7 ને જ થવા પામી છે.  જ્યારે વર્ષ 2020 માં 291 કેસ નોંધાવવા પામ્યા છે. જેમાં 2 ને જ સજા થવા પામી છે. જ્યારે વર્ષ 2021 માં 341 કેસ રજીસ્ટર થયા છે. જેમાં એકપણ વ્યક્તિને સજા થવા પામી નથી.  કન્વિશન રેટ એક ટકા કરતા પણ ઓછો 0.94 % છે.  ત્રણ વર્ષમાં અનુસુચિત જાતી પર 953 ગંભીર એટ્રોસીટીની ગંભીર ઘટનાઓ નોંધાવા પામી છે. અનુસુચિત જાતિ પર દર 48 કલાકે 1 અત્યાચાર-હુમલોની ઘટનાઓ ભાજપ સરકારમાં થાય છે.  છેલ્લા 6 વર્ષમાં SC –ST પર ૯૭૧૨ જેટલી ઘટનાઓ –હુમલાઓ થયા છે.

આ પ્રકારની જાતિવાદી માનસિકતાના પીડિતોની જનસંખ્યા ૮૦% છે જેમના ઉપર માત્ર ૫% લોકો રાજ કરે છે. સોસાયટીઓમાં દલિત, ઓબીસી અને મુસ્લિમ સમાજને આવો આભડછેટનો અનુભવ કાયમ થાય છે. પણ આ સમાજોએ ગુલામી સ્વીકારી લીધી છે અને એટલેજ વર્ષોથી જાતિવાદી માનસિકતાના વાળા મનુવાદીઓ રાજ કરે છે. https://t.co/VixlNN6g1d

— Naushad Solanki, Ex MLA (@naushad_solanki) February 9, 2023

જનજાગૃતિ માટે વર્ષ 2020 માં એકપણ કાર્યક્રમ થયો નથી
ગુજરાત માં sc st ના કાયદાની જનજાગૃતિ માટે વર્ષ 2018 અને 19 માં માત્ર 6-6 કાર્યક્રમ થયા 2020 માં એકપણ કાર્યક્રમ થયો નથી.  અત્રે ઉલ્લેખનીય છે કે જ્યાં sc st જ્યાં હુમલા થાય તેવા રાજ્યમાં ગુજરાત દેશમાં 5 માં નંબરે છે જેમાં ગુજરાતના  જીલ્લાનો ઉલ્લેખ છે.  ગુજરાતમાં અનુસુચિત જાતી(SC) અને અનુસુચિત જનજાતિ(ST) પરના અત્યાચારમાં થઇ રહેલા વધારા પર કોંગ્રસે ભાજપ સરકાર પર પ્રહાર કર્યા હતા. કોંગ્રસ પ્રવક્તા હિરેન બેન્કરે જણાવ્યુ હતું કે ભાજપ સાશનમાં અનુસુચિત જાતી(SC) અને અનુસુચિત જનજાતિ(ST)ના બંધારણીય હક્કો-અધિકારો સામે ભાજપ સરકાર અનદેખી કરી રહી છે. લોકસભામાં પુછાયેલા પ્રશ્ન પર સરકારે ચોકાવનાર આંકડા સામે આવ્યા છે.