Chandrayaan3 / ચાંદામામાની વાર્તા આંખ સામે સાકાર થતી જોશે વિદ્યાર્થીઓ, ચંદ્રયાન-3 લેન્ડિંગ પ્રસારણ અંગે સરકારી શાળાઓને મોટો આદેશ

• ચંદ્રયાન-3નું લેન્ડિંગ શાળાઓમાં લાઇવ પ્રસારણ કરાશે
• ચંદ્રયાન-3 લેન્ડિંગને લઈને સરકારી શાળાઓને આદેશ
• ચંદ્રયાન-3નું લેન્ડિંગ બાળકોને શાળામાં દર્શાવવા થયો આદેશ 

 આજે ઇતિહાસ રચવા ભણી આગળ વધતા ચંદ્રયાન-3ને લઈને દેશભરમાં ખૂણે ખૂણેથી લોકોમાં ઉત્સાહ જોવા મળી રહ્યો છે. ત્યારે રાજ્યની કેબિનેટ બેઠક યોજાઈ હતી. જેમાં સર્વાનુમતે નિર્ણય લઈ ચંદ્રયાન-3ના લેન્ડિંગ વેળાએ શાળાઓમાં લાઇવ પ્રસારણ કરવા આદેશ  કરવામાં આવ્યા છે. જેને લઈને સ્થાનિક કક્ષાએ તૈયારીઓ પણ તાત્કાલિક આરભી દેવામાં આવી છે.

STORY | ISRO's informal approach on social media to Moon mission wins hearts

READ: https://t.co/cP2Un3q9ZY

(File Photo) pic.twitter.com/66I5nMIzQn

— Press Trust of India (@PTI_News) August 23, 2023

રાજ્યની કેબિનેટ બેઠકમાં નિર્ણય
ઇસરોના વૈજ્ઞાનિકોની દિવસ, રાતની મહેનત બાદ આજે ચંદ્રયાન-૩ ચંદ્રની ધરતી ૬.૦૪ કલાકે લેન્ડ થવા જઇ રહ્યું છે. ત્યારે ચંદ્રયાન-3 લેન્ડિંગને લઈને સરકારી શાળાઓને આદેશ કરાયા છે. જેના ભાગરૂપે ચંદ્રયાન-3નું લેન્ડિંગ શાળામાં બાળકીને દર્શાવવામાં આવશે. બપોરની પાળીમાં ચાલતી શાળાઓને શિક્ષણ વિભાગે આદેશ જારી કર્યો છે. જેને પરિણામે સાંજે ચંદ્રયાન-3 લેન્ડિંગ પ્રક્રિયા બાળકો નિહાળી શકશે.વિદ્યાર્થીઓમાં દેશભક્તિનો જુસ્સો અને વિજ્ઞાન પ્રત્યેની અભિરુચિમાં વધારો થાય તેવા ઉદ્દેશ સાથે શિક્ષણ વિભાગ દ્વારા અમુક શાળાઓમાં આવતીકાલની સવારની શિફ્ટમાં પણ પન: પ્રસારણ કરવામાં આવશે. જેને લઈને હવે ચાંદા મામાની વાર્તા વિદ્યાર્થીઓની આંખ સામે સાકાર થશે અને વિદ્યાર્થીઓ આ ક્ષણના સાક્ષી બનશે.

 ચંદ્રયાન 3 સાંજે 6.4 કલાકે ચંદ્રના દક્ષિણ ધ્રુવીય ભાગમાં ઉતરશે

ચંદ્રયાન મિશન 3 live: આજે ભારત ચંદ્ર પર ત્રિરંગો ફરકાવવા જઈ રહ્યું છે. સમગ્ર વિશ્વની નજર ભારતના ચંદ્રયાન-3 મિશન પર છે. ભારત ઈતિહાસ રચવાથી માત્ર થોડા કલાકો દૂર છે. ભારતનું ચંદ્ર મિશન ચંદ્રયાન 3 સાંજે 6.4 કલાકે ચંદ્રના દક્ષિણ ધ્રુવીય ભાગમાં ઉતરશે તેવી અપેક્ષા છે. આ આશા વધી રહી છે કારણ કે ચંદ્ર મિશન પર અપડેટ આપતી વખતે, ISROએ કહ્યું છે કે ચંદ્રયાન 3 મિશન શેડ્યૂલ મુજબ ચાલી રહ્યું છે.