- વસતી ગણતરી માટે આધારના ઉપયોગને લઈને સરકારનો ખુલાસો
- કેન્દ્રીય ઈલેક્ટ્રોનિક્સ રાજ્યમંત્રી રાજીવ ચંદ્રશેખરે લોકસભામાં આપી માહિતી
- વસ્તી ગણતરી માટે આધાર ડેટાનો ઉપયોગ કરવાની કોઈ યોજના નથી
સપ્ટેમ્બર 2023માં ઓનલાઈન વસતી ગણતરીનું કામ શરુ થવાનું છે અને વચ્ચે એવા સમાચાર હતા કે સરકાર વસતી ગણતરી માટે આધાર નંબરનો ઉપયોગ કરી શકે છે પરંતુ હવે સરકાર દ્વારા આ વાતને લઈને ખુલાસો કરાયો છે.
વસ્તી ગણતરી માટે આધાર ડેટાનો ઉપયોગ કરવાની કોઈ યોજના નથી-મંત્રી
કેન્દ્રીય ઈલેક્ટ્રોનિક્સ અને આઇટી રાજ્યમંત્રી રાજીવ ચંદ્રશેખરે બુધવારે લોકસભામાં જણાવ્યું હતું કે, વસ્તી ગણતરી માટે આધાર ડેટાનો ઉપયોગ કરવાની સરકારની કોઈ યોજના નથી. એક લેખિત જવાબમાં મંત્રીએ કહ્યું, "ભારતના રજિસ્ટ્રાર જનરલ અને વસ્તી ગણતરી કમિશનરની કચેરીએ માહિતી આપી છે કે વસ્તી ગણતરી માટે આધાર ડેટાનો ઉપયોગ કરવાની કોઈ યોજના નથી.
અત્યાર સુધી કેટલા આધાર કાર્ડ જારી થયાં
આધાર આપનાર યુનિક આઈડેન્ટિફિકેશન ઓથોરિટી ઓફ ઈન્ડિયાના જણાવ્યા મુજબ ફેબ્રુઆરીના અંત સુધીમાં તેના દ્વારા 136 કરોડથી વધુ આધાર નંબર જારી કરવામાં આવ્યા છે. મૃત્યુની અંદાજિત સંખ્યાને સમાયોજિત કર્યા પછી હાલના આધાર નંબર ધારકોની અંદાજિત સંખ્યા 130.2 કરોડ છે.
મૃતકોના આધાર નંબર ડિએક્ટીવેટ કરવાની કોઈ વ્યવસ્થા નથી
મંત્રીએ વધુમાં જણાવ્યું હતું કે, જન્મ અને મૃત્યુની નોંધણી માટે નોંધણી અને મૃત્યુ અધિનિયમ, 1969ની જોગવાઈઓ હેઠળ રાજ્ય સરકારો દ્વારા નિયુક્ત રજિસ્ટ્રાર્સ પાસેથી મૃતક વ્યક્તિઓના આધાર નંબર મેળવવા માટે, તે આધાર નંબરોને નિષ્ક્રિય કરવા માટે કોઈ વ્યવસ્થા નથી.
ક્યારથી શરુ થશે વસતી ગણતરી
2023ની સાલમાં ઓનલાઈન વસતી ગણતરી કરવાનું સરકારનું આયોજન છે જે માટે સપ્ટેમ્બર મહિનાથી દેશભરમાં આ કાર્ય શરુ થશે.
