અભિયાન / ફેક ન્યુઝ અંગે ભારતીયોને જાગૃત કરવા ગુગલ દસ લાખ ડોલર ખર્ચશે

ગૂગલે દુનિયાભરમાં સમાચારોની સમજ વધારવા માટે 10 મિલિયન ડોલર(લગભગ 71.27 કરોડ રૂપિયા) ખર્ચ કરવાનું વચન આપ્યું હતું. ગૂગલની જાહેરાત એવા સમયે કરવામાં આવી છે જ્યારે મિડીયા અને ખાસ કરીને ડિજિટલ પ્લેટફોર્મ પર કામ કરતા લોકો પર ખોટી માહિતી ફેલાવવાના આક્ષેપો વધી રહ્યા છે.

ગુગલના જણાવ્યા મુજબ વૈશ્વિક અને સ્થાનિક નિષ્ણાતોની ટીમ દ્વારા એક કોર્સ તૈયાર કરવામાં આવશે, જે સાત ભારતીય ભાષાઓમાં ઉપલબ્ધ હશે. સ્થાનિક રીતે પસંદ કરાયેલા લોકો ભારતના નવા-મેટ્રો શહેરોમાં જઈને ઇન્ટરનેટનો નવો નવો ઉપયોગ કરનારા લોકોને તાલીમ આપશે. જેથી તેઓ તેમની સમક્ષ આવતી માહિતી કે સમાચારોનું જાતે મુલ્યાંકન કરીને તે સાચા છે કે ખોટા તે વધુ સારી રીતે સમજી શકશે.

ગૂગલ ન્યૂઝ ઇનિશિએટિવ (જીએનઆઈ) હેઠળ લગભગ 240 વરિષ્ઠ ભારતીય પત્રકારો અને પત્રકારત્વના શિક્ષકોના બનેલનું ઈન્ડિયા ટ્રેનિંગ ગયા વર્ષથી કાર્યરત છે. ગૂગલ દ્વારા કહેવામાં આવ્યું હતું કે છેલ્લા એક વર્ષ દરમિયાન જીએનઆઈ દ્વારા 10 ભારતીય ભાષાઓની 875 ન્યૂઝ સંસ્થાઓમાં 15 હજારથી વધુ ભારતીય પત્રકારોને સમાચારોના વેરિફિકેશન કરવાની તાલીમ અપાઇ છે.