Asia Cup 2023 / IND Vs PAK મેચનો આનંદ ઉઠાવતા ફેન્સ માટે ગુડ ન્યુઝ, ફરીવાર થઇ શકે છે કાંટે કી ટક્કર, જાણો સંપૂર્ણ સમીકરણ

• સુપર-4 મેચમાં ભારતે પાકિસ્તાનને 228 રનના વિશાળ અંતરથી હરાવ્યું 
• ફરી એકવાર ભારત અને પાકિસ્તાન વચ્ચે ટક્કર જોવા મળી શકે છે 
• ફાઈનલમાં પહોંચવા માટે ભારત અને પાકિસ્તાનનું સમીકરણ

Asia Cup 2023 IND vs PAK : એશિયા કપ 2023ની સુપર-4 મેચમાં ગઇકાલે ભારતે પાકિસ્તાનને 228 રનના વિશાળ અંતરથી હરાવ્યું હતું. પહેલા બેટિંગ કરતા ભારતે 356 રન બનાવ્યા હતા, જે બાદ ટીમ ઈન્ડિયાએ પાકિસ્તાની ટીમને 128 રન પર રોકીને મેચ જીતી લીધી હતી. વરસાદના કારણે રિઝર્વ ડે પર રમાયેલી મેચમાં ભારતે પાકિસ્તાનને બેટિંગ, બોલિંગ અને ફિલ્ડિંગમાં પાછળ છોડીને રેકોર્ડ જીત નોંધાવી હતી.

📸📷: How about that for a win for #TeamIndia! 🙌 🙌#AsiaCup2023 | #INDvPAK pic.twitter.com/EgXF17y4z1

— BCCI (@BCCI) September 11, 2023

ભારતીય ટીમે પાકિસ્તાનને 228 રનના વિશાળ અંતરથી હરાવ્યું
ODI ઈતિહાસમાં પાકિસ્તાન સામે રનના મામલે ભારતની આ સૌથી મોટી જીત છે અને આ સાથે જ આ સુપર-4ના પોઈન્ટ ટેબલમાં પણ ઘણો ફેરફાર જોવા મળ્યો છે. જો કે ફેન્સ માટે વધુ એક સારા સમાચાર પણ સામે આવ્યા છે. 

ફરી એકવાર ભારત અને પાકિસ્તાન વચ્ચે ટક્કર જોવા મળી શકે છે 
ભારત અને પાકિસ્તાન વચ્ચે ટાઈટલ માટે મુકાબલો થાય તેવી પ્રબળ સંભાવના બની રહી છે.  નોંધનીય છે કે ટૂર્નામેન્ટની ફાઈનલ મેચ 17 સપ્ટેમ્બરે કોલંબોમાં જ રમાશે.

Largest margin of victory for 🇮🇳 against Pakistan in men's ODIs ✅

A terrific result for India 👏#AsiaCup2023 | #PAKvIND | https://t.co/lVQWhUIzlk pic.twitter.com/V7XGWldfyt

— ICC (@ICC) September 11, 2023

કેવી રીતે બનશે સમીકરણ?
જણાવી દઈએ કે ભારતીય ટીમ આજે શ્રીલંકા સામે સુપર-4માં પોતાની બીજી મેચ રમવાની છે. જો ટીમ ઈન્ડિયા આ મેચ જીતીને ભારતીય ટીમ ફાઈનલમાં જગ્યા નિશ્ચિત કરી લે છે તો,  સુપર-4માં પાકિસ્તાને તેની છેલ્લી મેચમાં શ્રીલંકાને હરાવવું પડશે. આ સમીકરણ બન્યું તો ફાઇનલમાં ભારત અને પાકિસ્તાન વચ્ચેની ટક્કર નિશ્ચિત થઈ જશે. મહત્વનું છે કે આ પછી ટીમ ઈન્ડિયાની ત્રીજી મેચ બાંગ્લાદેશ (15 સપ્ટેમ્બર) સામે થશે. 

પોઈન્ટ ટેબલ
ભારત - 1 મેચ, 2 પોઈન્ટ, 4.560 નેટ રનરેટ
શ્રીલંકા - 1 મેચ,  2 પોઈન્ટ, 0.420 નેટ રનરેટ
પાકિસ્તાન - 2 મેચ , 2 પોઈન્ટ, -1.892 નેટ રનરેટ
બાંગ્લાદેશ - 2 મેચ, 0 પોઈન્ટ, -0.749 નેટ રનરેટ

Domination by India in Super 4 🇮🇳 pic.twitter.com/HQNDopxAOv

— Johns. (@CricCrazyJohns) September 11, 2023

ફાઈનલમાં પહોંચવા માટે ભારત અને પાકિસ્તાનનું સમીકરણ
જો ભારતીય ટીમ આજની મેચમાં શ્રીલંકાને હરાવશે તો ફાઈનલમાં તેનું સ્થાન નિશ્ચિત થઈ જશે. આ પછી ટીમ ઈન્ડિયાએ બાંગ્લાદેશ સાથે ઔપચારિક મેચ રમવાની રહેશે. ટીમ ઇન્ડીયા આજે મેચ જીતી જાય તો પાકિસ્તાને ફાઇનલમાં પહોંચવા શ્રીલંકા સામેની તેની છેલ્લી મેચ કોઈપણ ભોગે જીતવી પડશે. જો પાકિસ્તાન અને શ્રીલંકા વચ્ચેની મેચ વરસાદને કારણે ધોવાઈ જાય તો બંને ટીમોના 3-3 પોઈન્ટ્સ બરાબર થઈ જશે. પછી નેટ રન રેટ જોવામાં આવશે. તે સ્થિતિમાં, શ્રીલંકા ક્વોલિફાય થશે. એવામાં પાકિસ્તાને ફાઈનલ માટે તેની આગામી મેચમાં શ્રીલંકાને મોટા અંતરથી હરાવવું પડશે.