મનોરંજન / Godzilla x Kong ફિલ્મે બોક્સ ઓફિસ પર મચાવી ધમાલ, પ્રીવ્યૂ સ્ક્રીનિંગમાં જ રેકોર્ડબ્રેક કમાણીએ ભૂક્કા બોલાવી દીધા

મોન્સ્ટરવર્સની કોઈ પણ ફિલ્મના પ્રીવ્યૂ સ્ક્રીનિંગ કરતા આ અત્યાર સુધીની સૌથી વધારે કમાણી કરનાર ફિલ્મ છે. તેના પહેલા વર્ષ 2014માં ગોડઝિલાએ 9.3 મિલિયન ડોલરનું કલેક્શન કરી બધાને ચોંકાવી દીધા હતા. આ ફિલ્મે પહેલા અઠવાડિયામાં જ 93 મિલિયન ડોલરની મોટી કમાણી કરી હતી. 

તેની તુલનામાં વર્ષ 2017માં રિલીઝ થયેલી "કોન્ગઃ સ્કલ આઈલેન્ડ"એ 61 મિલિયનની ઓપનિંગથી પહેલા પ્રીવ્યૂ સ્ક્રીનિંગમાં 3.7 મિલિયન ડોલરની કમાણી કરી હતી. ત્યાં જ વર્ષ 2019ની 'ગોડઝિલાઃ કિંગ ઓફ ધ મોન્સ્ટર્સ'એ પ્રીવ્યૂથી 6.3 મિલિયન ડોલર ભેગા કર્યા હતા. આ ફિલ્મે ઓપનિંગ વીકએન્ડ પર 48 મિલિયન ડોલરનું કલેક્શન કર્યું હતું. 

નિર્દેશક એડમ વિંગર્ડના નિર્દેશનમાં બનેલી ગોડઝિલા x કોન્ગને ભારતનાં સારી પ્રતિક્રિયા મળી છે. પહેલા દિવસે આ ફિલ્મે 13.8 કરોડ રૂપિયાની કમાણી કરી છે. અંગ્રેજી ભાષામાં ફિલ્મે છ કરોડ હિંદીમાં ચાર કરોડ, તેલુગુમાં એક કરોડ 30 લાખ અને તમિલમાં બે કરોડ 50 લાખ રૂપિયાનું કલેક્શન કર્યું છે. 

વધુ વાંચો: કરીના કપૂર, કૃતિ અને તબ્બુની ફિલ્મ 'ક્રૂ' જોવા જેવી ખરી? પહેલા દિવસે આટલા કરોડ છાપ્યા

ભારતમાં આ ફ્રેન્ચાઈઝીની ફિલ્મને જોતા લોકોની સંખ્યા વધારે છે. એટલે માનવામાં આવી રહ્યું છે કે પહેલા વીકએન્ડમાં ફિલ્મ જોરદાર કમાણી કરવામાં સફળ રહશે. ભારતમાં આ ફિલ્મનો મુકાબલો ક્રૂ સાથે છે જેની ઓપનિંગ પણ ખૂબ જ સારી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો