પ્રેમની ભાવના / VIDEO : મેડમ તુસાદ મ્યુઝિયમમાં કોહલીના પૂતળાને કિસ કરી છોકરીએ, સેલ્ફી પણ લીધી, વીડિયો વાયરલ

• ક્રિકેટર વિરાટ કોહલી પાછળ ચાહકો ગાંડા
• ચાહક છોકરીએ કોહલીના મીણના પૂતળાને કરી
• મેડમ તુસાદ મ્યુઝિયમમાં બન્યું આવું
• વીડિયો વાયરલ થતા લોકો અનુષ્કાને પૂછવા લાગ્યા સવાલ 

ચાહકોને રન મશીન વિરાટ કોહલીનો ભારે ક્રેઝ છે, ખાસ કરીને છોકરીઓ કે યુવતીઓ તેની એક ઝલક મેળવવા તલપાપડ હોય છે. કોહલી જ્યાં પણ જાય ત્યાં ચાહકોની ભીડ લાગી જાય છે અને તેની સાથે સેલ્ફી પડાવે છે. આવા લોકપ્રિય ક્રિકેટરને તો ઠીક પરંતુ તેના પૂતળાની પણ કિસ કરતાં છોકરીઓ અચકાતી નથી, તેનું એક ઉદાહરણ જોવા મળ્યું છે. 

pic.twitter.com/dIXlEjCqek

— Out Of Context Cricket (@GemsOfCricket) February 20, 2023

મેડમ તુસાદ મ્યુઝિયમમાં છોકરીએ કોહલીના મીણના પૂતળાને કરી કિસ
વિશ્વવિખ્યાત મેડમ તુસાદ મ્યુઝિયમમાં દુનિયાની તમામ ક્ષેત્રની જાણીતી હસ્તીઓના મીણના પૂતળાઓ બનાવાયા છે જેમાં ક્રિકેટર વિરાટ કોહલીનું મીણનું પૂતળું પણ સામેલ છે. દરરોજ હજારોની સંખ્યામાં લોકો તુસાદ મ્યુઝિયમ જઈને તેમના પ્રિયના પૂતળા નિહાળે છે. મેડમ તુસાદ મ્યુઝિયમમાં વિરાટ કોહલીના મીણના પૂતળાને કિસ કરી રહેલી એક છોકરીનો વીડિયો વાયરલ થયો છે. વાયરલ થઈ રહેલા વીડિયોમાં એક યુવતી મેડમ તુસાદમાં લગાવેલા કોહલીના વેક્સ સ્ટેચ્યૂને કિસ કરતી જોવા મળી રહી છે. યુવતી ક્રિકેટરની મોટી ફેન લાગે છે. આ દરમિયાન યુવતી મીણના પૂતળા સાથે પોઝ આપતી અને હસતી જોવા મળી રહી છે. છોકરીએ કોહલીના પૂતળાને તસતસતું ચૂંબન ચોડ્યું હતું. 

લોકોએ પૂછ્યું - શું થઈ રહ્યું છે અનુષ્કા?

સોશિયલ મીડિયા પર આ વીડિયો વાયરલ થયા બાદ  ફેન્સ અલગ અલગ વાતો કરવા લાગ્યા હતા. જ્યારે કોઇએ યુવતીની ટીકા કરી હતી તો કેટલાકને કોહલીની પત્ની અને અભિનેત્રી અનુષ્કા શર્માની  ચિંતા થઈ હતી. વાયરલ ક્લિપ જોયા બાદ કોહલીના એક ચાહકે અનુષ્કાને પૂછ્યું છે કે, 'આ શું થઈ રહ્યું છે', જ્યારે અન્ય એક યુઝરે કમેન્ટ કરી છે કે, 'જો આ કોઈ છોકરાએ કર્યું હોત તો. કોહલીના મીણના પૂતળાને કિસ કરતી યુવતીનો વિડિયો ટ્વીટર પર @GemsOfSimps નામના હેન્ડલ સાથે શેર કરવામાં આવ્યો છે. થોડી સેકન્ડની આ ક્લિપ ઇન્ટરનેટ પર અપલોડ થતાં જ ધમાલ મચાવવા લાગી છે. આ વીડિયોને અત્યાર સુધી 1 લાખથી વધુ વાર જોવામાં આવી ચૂક્યો છે, તો લોકો તેને લાઈક અને કમેન્ટ અને શેર પણ જોરદાર રીતે કરી રહ્યા છે.