સુરત / 4 વર્ષનું બાળક મોબાઈલમાં જોતું જોતું કામરેજ ચાર રસ્તા પહોંચી ગયું, પછી જે થયું તેનાથી માં-પિતાને આવ્યું ભાન

• સુરતના કીમ ગામે ફટાકડા ફોડતા બાળકીને આંખમાં ઇજા
• આંખમાં ગંભીર ઈજા થતા આંખનુ કરાયુ ઓપરેશન
• 3 વર્ષની આલિયા શેખને કિરણ હોસ્પિટલમાં ચાલી રહી છે સારવાર

માતા-પિતા માટે ફરી એકવાર ચેતવણીરુપ કિસ્સા સામે આવ્યો છે. સુરતના કીમ ગામે ફટાકડા ફોડતા બાળકીને આંખમાં ઇજા થઈ છે. તો બીજી તરફ કામરેજની રત્નપૂરી સોસાયટીમાંથી એક ચાર વર્ષનું બાળક મોબાઈલમાં જોતું જોતું કામરેજ ચારરસ્તા ચેક પહોંચી ગયું હતું. જો કે, પોલીસની નજર બાળક પર પડતા હેમખેમ બાળકને પરિવાર સુધી પહોંચાડ્યું હતુ.

ફટાકડા ફોડતા બાળકીને આંખમાં ઇજા પહોંચી
સુરતના કીમ ગામે ફટાકડા ફોડતા બાળકીને આંખમાં ઇજા પહોંચી છે. આંખમાં ગંભીર ઈજા થતા આંખનુ ઓપરેશન કરાયુ છે. અન્ય બાળકના જન્મદિવસની ઉજવણીમાં ફટાકડા ફોડવામાં આવ્યા હતા. જે આતશબાજી દરમિયાન બાળકીને આંખમાં વાગ્યુ હતું. 3 વર્ષની આલિયા શેખને કિરણ હોસ્પિટલમાં સારવાર ચાલી રહી છે.  અત્રે જણાવીએ કે, ગતરોજ આલિયા શેખનો પણ જન્મ દિવસ હતો. પોતાની જન્મ દિવસની ઉજવણી ઘરમાં કર્યા બાદ તે અન્ય બાળકીના જન્મ દિવસની ઉજવણીમાં ગઈ હતી. આ ઘટના સુરતના કીમ ગામે બનવા પામી છે.

કામરેજનો ચેતવણી રૂપ કિસ્સો
માતા પિતા માટે ચેતવણી રૂપ કિસ્સો સામે આવ્યો છે. કામરેજની રત્નપૂરી સોસાયટીમાં મહેમાન તરીકે આવેલા પરિવારનું બાળક મોબાઈલ લઇને ઘરની બહાર નીકળી ગયું હતું. જે બાળક મોબાઈલમાં જોતું જોતું કામરેજ ચાર રસ્તા પાસે પહોંચી ગયું હતું.  જ્યાં બાળક રસ્તો ક્રોસ કરી રહ્યું હતુ તે દરમિયાન પોલીસની નજર બાળક પર પડી હતી ત્યારે  હાજર પોલીસે તુરત બાળકને ત્યાંથી પકડી લીધું હતું. બાળકના હાથમાં રહેલ મોબાઇલથી બાળકના પરિવારનો સંપર્ક કર્યો હતો. પોલીસે બાળકની માતાને બોલાવી જરૂરી સતર્કતા રાખવાની સૂચનો પણ આપ્યા હતા.