TV Talk / 8 વર્ષ બાદ ફરીવાર ટીવી પર ચમકશે આ રિઅલ લાઇફ બેસ્ટ જોડી, જાણો કયા શોમાં ભજવશે રોલ

• ગૌરી-હિતેને અનેક ટીવી સીરિયલમાં સાથે કામ કર્યું
• 8 વર્ષ પછી આ જોડી એકસાથે કામ કરશે
• આ શોની ટીમ ટૂંક સમયમાં કાશ્મીરમાં શુટીંગ માટે જશે

ટીવી ઈન્ડસ્ટ્રીમાં મોસ્ટ ફેમસ કપલ હિતેન તેજવાની અને ગૌરી પ્રધાને અનેક ટીવી સીરિયલમાં સાથે કામ કર્યું છે. 8 વર્ષ પછી આ જોડી એકસાથે કામ કરશે. તમને જણાવી દઈએ કે, આ મોસ્ટ પોપ્યુલર જોડી ‘પશ્મીના’માં કામ કરશે. મુંબઈમાં આ શોનું શુટીંગ કરવામાં આવી રહ્યું છે. આ શોની ટીમ ટૂંક સમયમાં કાશ્મીરમાં શુટીંગ માટે જશે. 

ગૌરી-હિતેનના અપકમિંગ શોની કહાની
મીડિયા રિપોર્ટ અનુસાર ‘પશ્મીના’ કહાની કાશ્મીર અને મુંબઈ વચ્ચે ફોક્સ્ડ છે. હિતેન આ શોમાં મુંબઈ બેઝડ પરિણીત પુરુષનું પાત્ર ભજવશે અને તે એક બાળકનો પિતા છે. તે કાશ્મીરમાં ફરવા માટે આવે છે અને કોઈની સાથે રોમાન્ટીક રીતે જોડાઈ જાય છે. 

કહાની આગળ વધે છે, તેમ હિતેનને ખબર પડે છે કે, કાશ્મીરમાં તેની એક દીકરી પણ છે. મેકર્સે ગૌરીના પાત્ર વિશે જાણકારી આપી નથી. દર્શકો આઠ વર્ષ પછી આ જોડી એકસાથે જોવા માટે આતુર છે. આ રિઅલ લાઈફ કપલ છેલ્લે ‘મેરી આશિકી તુમ સે હી’માં જોવા મળ્યું હતું.

ગૌરી-હિતેને અનેક સીરિયલમાં સાથે કામ કર્યું
2000ના દાયકાની શરૂઆતમાં આ ડાયનેમિક જોડીએ ટેલિવિઝન સ્ક્રીન પર પોતાનો દબદબો જમાવ્યો હતો. આ જોડીએ ‘કુટુંબ’, ‘ક્યોંકિ સાસ ભી કભી બહૂ થી’ જેવી સીરિયલમાં શાનદાર ઓનસ્ક્રીન કેમિસ્ટ્રી અને કેરેક્ટર સાથે દર્શકોના દિલમાં જગ્યા બનાવી હતી. 

We danced, we laughed, we enjoyed and we celebrated ....and that’s what is life ...#celebration #life #tanya #harry #gurpreet #rohit #nisha #ketan #gaurihiten #lifeofght #hitentejwani pic.twitter.com/ghDEJbqcWS

— hitentejwani (@tentej) June 24, 2018

ગૌરી-હિતેનની લવ સ્ટોરી
દર્શકોને આ ઓન સ્ક્રીન અને ઓફ સ્ક્રીન જોડી ખૂબ જ પસંદ આવી રહી છે. હિતેન અને ગૌરીની મુલાકાત એક ટીવી એડના સેટ પર થઈ હતી. ત્યાર પછી તેમની મુલાકાત ‘કુટુંબ’ના સેટ પર થઈ હતી, જેમાં બંનેએ એકબીજીતી ઓપોઝિટ કામ કર્યું હતું. દર્શકોને તેમની ઓફ સ્ક્રીન કેમિસ્ટ્રી પસંદ આવી રહી હતી. ગૌરી અને હિતેને એપ્રિલ 2004માં પુણેમાં પ્રાઈવેટ ફંક્શનમાં લગ્ન કરી લીધા હતા. નવેમ્બર 2009માં આ કપલે જુડવા બાળકો (એક દીકરો અને એક દીકરી)નું વેલકમ કર્યું હતું.