- દિલ્હીની તિહાડ જેલમાં ગેંગવોર
- ગેંગસ્ટર પ્રિન્સ તેવટિયાનુંની હત્યા
- 5 કેદીઓ ગંભીર રીતે ઘવાયા
દિલ્હીની તિહાડ જેલમાં ગેંગવોરની ઘટના સામે આવી છે. જેમાં ગેંગસ્ટર પ્રિન્સ તેવટિયાની મોતને ઘાટ ઉતારી દેવામાં આવતા ખળભળાટ મચી જવા પામ્યો છે. મહત્વનું છે કે તિહાડની જેલ નંબર 3માં સાંજે (14 એપ્રિલ) શુક્રવારે 5 વાગ્યે ગેંગ વોર થયું હતું. આ દરમિયાન 5 કેદીઓ ગંભીર રીતે ઘવાયા હતા. જે મામલે જાણ થતા પ્રશાસન દ્વારા ઇજાગ્રસ્ત તમામ કેદીઓને તાબડતોબ દીન દયાલ હોસ્પિટલમાં દાખલ કરવામાં આવ્યા છે. આ દરમિયાન કેદી રાજકુમાર તેવટિયાનું મોત નીપજ્યું હોવાનું ફરજ પરના તબીબે જાહેર કર્યું હતું.
ગેંગવોર મામલે દિલ્હી પોલીસે જણાવ્યું હતું કે પ્રિન્સ તેવટિયા પર જેલમાં છરી વડે ઘાતક હુમલો કરવામાં આવ્યો હતો. જેમાં શરીર પર છરીના આડેધડ ઘા ઝીંકી દેવામાં આવ્યા હતા અને 5-7 ઘાના શરીર પણ નિશાન પણ હતા. બાદમાં તાત્કાલિક દિલ્હી પોલીસની ટીમ તિહાડ જેલ પહોંચી છે અને મામલાની તપાસ શરૂ કરી છે. હાલ અન્ય કેદીઓ સારવાર હેઠળ હોવાનું જાણવા મળી રહ્યું છે.
ઉલ્લેખનીય છે કે તાજેતરમાં જ તિહાડ જેલ પ્રશાસને જેલ અંદર રેડ પાડી સર્ચ ઓપરેશન હાથ ધર્યું હતું. આ દરમિયાન મોટી સંખ્યામાં એક પેકેટમાથી સર્જિકલ બ્લેડ, મોબાઈલ સહિતનો જથ્થો ઝડપાયો હતો. પ્રશાસનને 9મી માર્ચે તિહાડની જેલ નંબર-3માં શંકાસ્પદ ગતિવિધિઓ મામલે બાતમી મળી હતી. બાદમાં જેલ તંત્રના સબંધિત વિભાગના અધિકારીઓ દ્વારા જેલમાં દરોડા પાડવામાં આવ્યા હતા.
