એ હાલો! / ગુજરાતી ગરબાના તાલે ઝૂમી આલિયા, ગંગુબાઈ કાઠિયાવાડીનું નવું ગીત 'ઢોલીડા' થયું રીલીઝ

• ફિલ્મ 'ગંગૂબાઈ કાઠિયાવાડી' 25 ફેબ્રુઆરીએ થશે રિલીઝ
• યુ-ટ્યુબ પર ફિલ્મનું નવુ ગીત 'ઢોલીડા' થયું રીલીઝ
• આલિયા ભટ્ટે ઠુમકા લગાવીને ગીતમાં કર્યો ડાન્સ

ઢોલીડા ગીત રિલીઝ 

ગીતનું નામ ઢોલીડા છે. યુ-ટ્યુબ પર રિલીઝ થયેલા ગીતનો વીડિયો ચાહકોને ખૂબ પસંદ આવી રહ્યો છે. આલિયા ભટ્ટે જે રીતે ઠુમકા લગાવીને આ ગીતમાં ડાન્સ કર્યો છે, તે ખરેખર વખાણવાલાયક છે. આલિયાની ગીતમાં જેવી એન્ટ્રી થાય છે, તે પોતાના જુડાને સરખો કરીને ગંગૂબાઈ અંદાજમાં નમસ્તે કરે છે. ત્યારબાદ સાડીને ઉપરની બાજુએ બાંધીને ઠુમકા લગાવવે છે. વીડિયોમાં જોઈ શકાય છે કે આલિયાની સાથે ઘણા બેકગ્રાઉન્ડ ડાન્સર્સ પણ ડાન્સ કરી રહ્યાં છે. ટ્રેલરમાં પણ આલિયા ભટ્ટનુ દમદાર પર્ફોમન્સ જોવા મળ્યું છે. ટ્રેલર જોયા બાદ તમે આલિયાના ખૂબ વખાણ કરશો.

આ એક રિયલ લાઈફ કહાનીથી પ્રેરિત 

'ગંગુબાઈ કાઠિયાવાડી'ની કહાની એક રિયલ લાઈફ કહાનીથી પ્રેરિત છે. આ કહાની એક એવી નિર્દોષ યુવતીની કહાની છે. જેને નાની ઉંમરમાં વેશ્યાવૃત્તિની અંદર ધકેલી દેવામાં આવે છે. ત્યારબાદ આ યુવતી આગળ જઇને વેશ્યાલયની માલિક અને મુંબઈની ડૉન બની જાય છે. આખી ટીમ ફિલ્મનું પ્રમોશન ઉત્સાહપૂર્વક કરી રહી છે. આલિયાએ પણ પોતાના ઈન્સ્ટાગ્રામ પર ગંગૂબાઈ કાઠિયાવાડી લુકમાં ઘણા ફોટો શેર કર્યા છે. 

ફિલ્મ રિલીઝની રાહ જોવી કપરું બન્યું

આલિયાનો લુક અને ટ્રેલર જોયા બાદ ફિલ્મ રિલીઝ સુધીની રાહ જોવી ખૂબ મુશ્કેલ થઇ રહી છે. સંજય લીલા ભણસાલી દ્વારા નિર્દેશિત ફિલ્મ ગંગૂબાઈ કાઠિયાવાડી 25 ફેબ્રુઆરી 2022ના રોજ રિલીઝ થઇ રહી છે. હવે વાત એવી આવે છે કે તમે આલિયાના ચાહકો હોય કે ના હોય પરંતુ આ ફિલ્મ જોયા બાદ તમે આલિયાના પ્રશંસક આવશ્ય બની જશો. મહત્વનું છે કે, કરણ જોહર પણ આલિયાની આ ફિલ્મને લઇને ખૂબ ઉત્સાહિત જોવા મળી રહ્યો છે.