આદેશ / પૂર્વ સાંસદ મોહન ડેલકર આત્મહત્યા કેસમાં પ્રફુલ પટેલને મુંબઈ હાઈકોર્ટથી મોટી રાહત

• પૂર્વ સાંસદ મોહન ડેલકર આત્મહત્યા કેસ
• પ્રફુલ પટેલને બોમ્બે હાઈકોર્ટથી મોટી રાહત
• બોમ્બે હાઈકોર્ટે પ્રફુલ પટેલ સામેની FIR રદ્દ કરવાનો કર્યો આદેશ

મુંબઇના પૂર્વ સાંસદ મોહન ડેલકર આત્મહત્યા કેસમાં દીવ, દાદરા નગર હવેલી તથા લક્ષદ્વીપના એડમિનિસ્ટ્રેટર પ્રફુલ્લ પટેલને બોમ્બે હાઈકોર્ટમાંથી મોટી રાહત મળી છે.  બોમ્બે હાઈકોર્ટે પૂર્વ સાંસદ મોહન ડેલકર આત્મહત્યા કેસમાં પ્રફુલ્લ પટેલ સામેની FIR રદ કરવાનો હુકમ કર્યો છે.  ઉલ્લેખનીય છે કે  વર્ષ 2021માં દાદરા અને નગર હવેલીના સાંસદ મોહન ડેલકરે મુંબઈની હોટલમાં આત્મહત્યા કરી લીધી હતી. તેમણે આત્મહત્યા કરતા અગાઉ પ્રાપ્ત વિગતો અનુસાર સુસાઇડ નોટમાં 15 પૃષ્ઠ લાંબી છે.  

9 આરોપીઓએ હાઈકોર્ટમાં FIR રદ્દ કરવાની કરી હતી અરજી
કુલ નવ આરોપીઓએ ગયા વર્ષે હાઈકોર્ટમાં એફઆઈઆર રદ કરવાની અરજી કરી હતી. આરોપીઓએ દાવો કર્યો હતો કે તેઓને આ કેસમાં ખોટા ફસાવવામાં આવ્યા છે. જસ્ટિસ પી.બી. વારલે અને ન્યાયમૂર્તિ એસ.ડી. કુલકર્ણીની બેન્ચે અરજીઓને મંજૂર કરતા જણાવ્યું હતું કે કાયદાનો દુરુપયોગ રોકવા માટે એફઆઈઆર રદ્દ કરવા માટે આ યોગ્ય કેસ છે. 

22 ફેબ્રુઆરી, 2021 રોજ પૂર્વ સાંસદ મોહન ડેલકર કરી હતી આત્મહત્યા
આપને જણાવી દઈએ કે દાદરા અને નગર હવેલીના સાંસદ મોહન ડેલકર મુંબઈની એક હોટલમાં મૃત હાલતમાં મળી આવ્યા હતા. અધિકારીએ કહ્યું હતું કે મૃત્યુનું કારણ જાણવા માટે તેમના વિસેરાને સુરક્ષિત રાખવામાં આવ્યા હતા. દાદરા અને નગર હવેલીના સાંસદ ડેલકરનો મૃતદેહ 22 ફેબ્રુઆરી, 2021ના રોજ દક્ષિણ મુંબઈની એક હોટલમાં સીલિંગ ફેન સાથે લટકતો મળી આવ્યો હતો. સંબંધિત સ્થળ પરથી ગુજરાતીમાં લખેલી સુસાઈડ નોટ પણ મળી આવી હતી.