નારાજગી / ગુજરાત વિધાનસભા ચૂંટણી પહેલા કોંગ્રેસમાં મોટી ઉથલ-પાથલના ભણકારા! વધુ એક પીઢ નેતા થયાં નારાજ

• કોંગ્રેસ નેતૃત્વ સામે નારાજગીનો દોર યથાવત 
• કોંગ્રેસના વધુ એક નેતા પક્ષથી નારાજ
• દહેગામના પૂર્વ MLA કામિનીબા રાઠોડ પક્ષથી નારાજ 

ગુજરાતમાં વિધાનસભાની ચૂંટણી પહેલા રાજકીય ગરમાવો શરૂ થઈ ગયો છે. નેતાઓ નારાજ થઈ કોઈ પાર્ટી સાથે છેડો ફાડી રહ્યા છે તો કોઈ ખેસ ધારણ કરી રહ્યા છે.તેની વચ્ચે કોંગ્રેસના વધુ એક નેતાએ કોંગ્રેસના નેતૃત્વ સામે નારાજગી વ્યક્ત કરી હતી. 

કોંગ્રેસ નેતૃત્વ સામે નારાજગીનો દોર યથાવત 

ગુજરાત પ્રદેશ કોંગ્રેસમાં નારાજગીનો દોર યથવાત જોવા મળી રહ્યો છે. વધુ એક કોંગ્રેસી નેતા પક્ષમાં થતી સતત અવગણનાને લઈને નારાજ હોવાનું સામે આવ્યું છે. દહેગામના પૂર્વ ધારાસભ્ય કામિનીબા રાઠોડ કોંગ્રેસ પક્ષમાં થતી સતત અવગણનાને લઈને નારજગી વ્યક્ત કરી છે. 

કોંગ્રેસ નેતૃત્વ સામે નારાજગીનો દોર યથાવત 

કામિનીબા રાઠોડે નારાજગી વ્યક્ત કરતાં જણાવ્યું હતું કે, કોંગ્રેસ પક્ષમાં નિર્ણયો પૂછ્યા વગર લેવામાં આવી રહ્યાં છે. તેમજ કોંગ્રેસમાં વ્હાલા દવાલાની નિતીના કારણે કાર્યકરોની પણ અવગણના થતી હોવાનો આરોપ લાગ્યા છે.  જેને લઈને તાજેતરમાં જ કામિનીબાએ રઘુ શર્મા સાથે બેઠક કરી હતી. 

નારાજ ઈન્દ્રનીલ રાજ્યગુરુને કોંગ્રેસે પુનઃ મનાવી લીધા 

આ પહેલા સૌરાષ્ટ્રમાં કોંગ્રેસના નેતા ઈન્દ્રનીલ રાજ્યગુરુએ ભાવનગરમાં પ્રભારી પદેથી રાજીનામું આપી દીધું હતું.  જે બાદ  ઈન્દ્રનીલ રાજ્યગુરુ AAPમાં જોડાશે તેવી ચર્ચાએ જોર પકડયું હતું. જો કે, આ વખત કોંગ્રેસમાં કોઈ ફૂટ ન પડે તેને લઈને પહેલાથી સક્રિય દેખાઈ રહી છે. નારાજ ઇન્દ્રનીલ રાજ્યગુરૂને મનાવવામાં સફળતા મળી છે.