કોનું 'રાજ'? / રાજસ્થાનમાં કોંગ્રસ કે ભાજપ? ઓપિનિયન પોલમાં સામે આવ્યું ચોંકાવનારું તારણ, સર્વેએ તોડ્યો ટ્રેન્ડ?

• રાજસ્થાનમાં યોજાશે ચાલુ વર્ષે વિધાનસભાની ચૂંટણી
• abp news દ્વારા સી વોટર સર્વે સાથે મળીને ઓપિનિયન પોલ રજૂ કરાયો
• વિપક્ષમાં બેઠેલ ભાજપ ચાખશે સત્તાનો સ્વાદ

રાજસ્થાનમાં ચાલુ વર્ષે વિધાનસભાની ચૂંટણી યોજવા જઈ રહી છે. ત્યારે 200 બેઠક ધરાવતી રાજસ્થાન વિધાનસભાનો ગઢ કોણ જીતે તે મામલે abp news દ્વારા સી વોટર સર્વે સાથે મળીને ઓપિનિયન પોલ રજૂ કર્યો હતો. જેમાં રાજસ્થાનની ચૂંટણીમાં કઈ પાર્ટી બાજી મારશે અને સત્તા પર બિરાજશે? છે તે અંગે સર્વે કરવામાં આવ્યો હતો. જેમાં આશ્ચર્યજનક પરિણામ સામે આવ્યા છે અને સર્વે અનુસાર રાજસ્થાનમાં ભાજપનો વિજય રથ આગળ વધે તેવું સામે આવ્યું છે. બીજી બાજુ કોંગ્રેસને 78 થી 88 સીટો પર સમાધાન કરવું પડશે અને 2023 ની ચૂંટણીમાં કોંગ્રેસે વિપક્ષમાં જ બેસીને સંતોષ માનવો પડશે તેવું સર્વેમાં સામે આવ્યું છે.

ભાજપને 109 થી 119 બેઠકો મળવાના ચાન્સ

સર્વેના પરિણામ મુજબ વાત કરવામાં આવે તો વિપક્ષમાં બેઠેલા ભાજપને આ વખતે સત્તાનો પૂરેપૂરો ચાન્સ છે અને ભાજપને 109 થી 119 બેઠકો મળે તેવું જાણવા મળી રહ્યું છે  બીજી બાજુ કોંગ્રેસને 78 થી 88 બેઠક તો અન્યના ફાળે એકથી પાંચ બેઠક જાય તેવું સર્વેમાં સામે આવ્યું છે. અત્રે નોંધનીય છે કે ગત ચૂંટણીમાં ભાજપએ 200 બેઠકો એટલે કે તમામ બેઠકો પર ઉમેદવારો રાખ્યા હતા. પરંતુ બહુમતીથી ઘણું છેટુ રહી હતી. જ્યારે કોંગ્રેસે સૌથી વધુ બેઠકો પોતાના નામ કરી હતી.

ભાજપને ફાળે 46 ટકા વોટ શેર

બીજી બાજુ વોટ શેરની વાત કરીએ તો અહીં પણ હાલ વિપક્ષમાં બેઠેલ ભાજપનું પલડું ભારે જોવા મળી રહ્યું છે અને ભાજપને ફાળે 46 ટકા વોટ શેર મળે તેવું નોંધાઈ રહ્યું છે. જ્યારે કોંગ્રેસનો વોટ શેર 41 ટકા રહેવાનો અંદાજ છે. તો 13 ટકા વોટ શેર અન્ય પાર્ટીના ખાતામાં જઈ શકે છે. સી વોટર અને abp news એ રાજસ્થાન ચૂંટણી માટે સૌપ્રથમ પોલ રજૂ કરી દીધો છે. જેમાં 14,885 લોકો સાથે વાતચીત કરવામાં આવી હતી. બાદમાં સર્વેના પરિણામ સામે મુકાયા છે.