સફળતા / ગુજરાતમાં સ્લીપર સેલ એક્ટિવ થતાં ATSની મોટી કાર્યવાહી, ગોધરામાં 6 શંકાસ્પદ લોકોની અટકાયત, જાણો વિગત

• ગુજરાત ATSની મોટી કાર્યવાહી
• ગોધરાથી 6 શંકાસ્પદ લોકોની અટકાયત
• ISKPના સ્લીપર સેલ એક્ટિવ થયાની માહિતી

રાજ્યમાં ફરી એકવાર ગુજરાત  ATSની મોટી કાર્યવાહી સામે આવી છે. આતંકી સંગઠનનાં સ્લીપર સેલ એક્ટિવ મુદ્દે એટીએસના હાથે સફળતા લાગી છે. ગોધરમાં 6 શંકાસ્પદ લોકોની અટકાયત કરાઈ છે. પોરબંદર ,સુરત બાદ હવે ગોધરામાં પણ ATSનું સર્ચ ઓપરેશન હાથ ધરાયું હતું. 

NIA અને સેન્ટ્રલ IBના ઈનપુટ
અત્રે જણાવીએ કે, NIA અને સેન્ટ્રલ IBએ ગુજરાત એટીએસને ઇનપુટ આપ્યા હતા.  ISKP ટેરેરિસ્ટ ઓર્ગેનાઈઝનાં સ્લીપર સેલ એક્ટિવ હોવાની પણ માહિતી મળી હતી. ઇનપુટનાં પગલે ATSએ સર્વેલન્સ હાથ ધર્યું હતું. જે સર્ચમાં એક મહિલા સહિત 6 લોકોની અટકાયત કરી છે. અગાઉ પણ સુરતથી ISKP સાથે સંકળાયેલી મહિલાની ધરપકડ કરાઈ હતી.

અગાઉ પણ કાર્યવાહી હાથ ધરાઈ હતી
ઉલ્લેખનીય છે કે, પોરબંદરથી પણ અગાઉ ISKPનાં 3 આતંકી ઝડપાયા હતા. ISKP ઇસ્લામિક સ્ટેટ ફોર ખુરાસાન પ્રોવીન્સના સ્લીપર સેલ એક્ટિવ થયા હોવાની આશંકાને પગલે તપાસ એજન્સીઓ એલર્ટ જોવા મળી રહી છે. પકડાયેલ શંકાસ્પદ લોકોની પૂછપરછ હાથ ધરાઈ છે. ISKP મોડ્યુલર સાથે જોડાયેલા લોકોની સઘન તપાસ શરૂ કરાઈ છે.