વિશ્વ / આને કે'વાય નસીબ ચમક્યું.! શોપિંગ કરવા ગયો હતો સુપરમાર્કેટ, મળ્યા 13 હજાર કરોડ રૂપિયા, એક નિર્ણયે યુવક રાતોરાત અબજોપતિ

• ફ્લોરિડામાં બન્યો ગજબનો કિસ્સો
• સુપરમાર્કેટ ખરીદી માટે ગયેલો એક વ્યક્તિ કરોડપતિ બન્યો
• લોટરી ટિકિટમાં નંબર લાગતાં મિલિયન ડોલરનો માલિક થયો

કિસ્મત ચમકવાનો એક અનોખો મામલો અમેરિકાથી સામે આવ્યો છે. ફ્લોરિડામાં રહેતો એક વ્યક્તિ રાતોરાત કરોડોપતિ બની ગયો. આ વ્યક્તિએ મેગા મિલિયંસ લોટરી જીતી છે અને હવે તે 1.6 બિલિયન ડોલર (13 હજાર 311 કરોડ)ની પ્રાઈઝ મનીનો માલિક થઈ ગયો છે. 

સુપરમાર્કેટ ગયો હતો અને કરોડપતિ બનીને પાછો આવ્યો
લોટરીની ટિકિટ વિજેતા જેક્સનવિલે એક પબ્લિક્સ સુપરમાર્કેટમાં ખરીદી કરવા ગયો હતો. આ દરમિયાન તેણે લૉટરી ટિકિટ ખરીદી. જો કે તેણે પોતાની દાવેદારી પબ્લિશ કરવામાં થોડો સમય લઈ લીધો. માહિતી અનુસાર વિનિંગ ટિકિટનાં નંબર ઑગસ્ટની શરૂઆતમાં જાહેર કરવામાં આવ્યાં હતાં.

US લોટરીનાં ઈતિહાસમાં આવું ત્રીજી વખત બન્યું
અમેરિકાનાં કાયદા અનુસાર લોટરી કે ભારી પ્રાઈસ મનીનાં મામલામાં વિનરનું નામ 90 દિવસ સુધી ગુપ્ત રહેવું જોઈએ. જો કે ફ્લોરિડાનો આ મામલો એટલા માટે પણ ખાસ છે કારણકે US લોટરીનાં ઈતિહાસમાં આવું ત્રીજી વખત બન્યું છે કે જ્યારે કોઈએ ઈનામની આટલી મોટી રકમ જીતી હોય. આ પહેલા નવેમ્બર 2022માં એક અન્ય વ્યક્તિએ 2.04 બિલિયન ડોલરનાં ઈનામની રાશિ જીતી હતી.

સરકારને ચુકવવી પડશે મોટી રકમ
વિજેતાએ હવે એ નક્કી કરવું પડશે કે રકમનો એક નાનો હિસ્સો તે એકસાથે લેવા ઈચ્છે છે કે સંપૂર્ણ રાશિ 30 વર્ષોમાં વિભાજિત કરવા ઈચ્છે છે. જો કે ટેક્સનાં રૂપે તેણે લોટરી મનીનો એક મોટો હિસ્સો સરકારને આપવાનો રહેશે.