દુર્ઘટના / ફરી એકવાર યમુના એક્સપ્રેસવે પર ગમખ્વાર અકસ્માત, 4 મહિલા સહિત 5ના મોત, પોલીસે હાથ ધરી તપાસ

• યમુના એક્સપ્રેસ વે પર અકસ્માત
• 4 મહિલા અને 1 પુરુષનું મોત
• કાર ચાલકે કાબૂ ગુમાવતા સર્જાયો અકસ્માત 

ફરી એકવાર યમુના એક્સપ્રેસ વે પર ગમખ્વાર અકસ્માત સર્જાયો જેમાં 4 મહિલા અને એક પુરુષ મોતને ભેટ્યા છે. જ્યારે ઇજાગ્રસ્તોને સારવાર અર્થે હોસ્પિટલ ખસેડવામાં આવ્યા છે. હાલ ઇજાગ્રસ્તોની સ્થિતિ ગંભીર છે. નોઇડાના જેવર પોલીસ સ્ટેશન સ્થિત યમુના એક્સપ્રેસ વે પર આગ્રાથી નોઇડા જતી વખતે 40 કિલોમીટર પહેલા માઇલસ્ટોન પાસે આ દુર્ઘટના બની. મળતી માહિતી અનુસાર બોલેરો કારે કાબૂ ગુમાવતા કાર ડંપરમાં જઇને ઘુસી ગઇ.

દુર્ઘટનામાં 5ના મોત 2 ઘાયલ

વહેલી સવારે 5 વાગે આ દુર્ઘટના બની. અકસ્માતમાં કારમાં સવાર સાત લોકો ઘાયલ થયા હતા. ઘટનાને પહલે જેવર પોલીસે ઘટના સ્થળે પહોંચીને ઇજાગ્રસ્તોને હોસ્પિટલ લઇ જવા તજવીજ હાથ ધરી હતી. જ્યાં તબીબોએ 4 મહિલા અને એક પુરુષને મૃત જાહેર કર્યા હતા. જ્યારે સારવાર લઇ રહેલા અન્યબેની હાલત અત્યંત ગંભીર હોવાનું જાણવા મળી રહ્યું છે. હાલ પોલીસે માર્ગ અકસ્માતને લઇને વધુ તપાસ શરુ કરી છે. 

બે પરિવાર નોઇડા આવી રહ્યા હતા

એડીસીપી ઝોન 3નો વિશાલ પાંડેએ જણાવ્યું કે પૂના અને કર્ણાટકથી બે પરિવાર બોલેરો કારમાં સવાર થઇને આગરાથી નોઇડા આવી રહ્યા હતા. સવારે લગભગ પાંચ વાગ્યાની આસપાસ જેવર ટોલ પ્લાઝા પાસે બોલેરો કાર બેકાબૂ બની હતી. સ્ટિયરિંગ પર કાબૂ ગુમાવી દેતા આગળ જઇને ડંપરમાં ઘૂસી ગઇ.  કારમાં સવાર તમામ સાત લોકો ઘાયલ થયા હતા. 

ડમ્પરનો કબ્જો લઇને શરુ કરી તપાસ

નારાયણ રામચંદ્ર કોલેકર, શ્રીમતી સુનિતા રાજુ ગુસ્તે ગંભીર રીતે ઘાયલ થયા હતા. હાલ બે ઇજાગ્રસ્તોની કૈલાસ હોસ્પિટલમાં સારવાર ચાલી રહી છે. જ્યારે અન્ય 5 ચંદ્રકાંત નારાયણ બુરાડે, શ્રીમતી સ્વર્ણ ચંદ્રકાંત બુરાડે, શ્રીમતી માલણ વિશ્વનાથ કુંભાર, શ્રીમતી રંજના ભરત પવાર, શ્રીમતી નુવંજન મુજાવરને મૃત જાહેર કર્યા હતા.  પોલીસે અકસ્માત સ્થળેથી વાહનોને હટાવીને ટ્રાફિક ક્લિયર કરાવ્યો છે અને ડમ્પરનો કબજો લઈ અકસ્માતના કારણોની તપાસ શરૂ કરી છે.