ભય / અમદાવાદ શહેરમાં વધુ એક આગની ઘટના, આગ વધુ પ્રસરતા રહીશોમાં નાસભાગ

અમદાવાદ શહેરમાં ફરી એકવાર આગ લાગવાની ઘટના સામે આવી છે. નિકોલ વિસ્તારમાં આવેલ અટલ એપાર્ટમેન્ટમાં અચાનક આગ લાગી જતા વિસ્તારમાં હડકંપ મચી ગયો હતો. ઘટનાની જાણ થતા જ ફાયર બ્રિગેડની ટીમ તાત્કાલિક સ્થળ પર પહોંચી અને આગ પર કાબૂ મેળવવા માટે કામગીરી હાથ ધરી હતી.

એસીમાં શોર્ટ સર્કિટ થતા આગ લાગી

પ્રાથમિક માહિતી અનુસાર એપાર્ટમેન્ટમાં આવેલા એસીમાં શોર્ટ સર્કિટ થતા આગ લાગી હોવાનું સામે આવ્યું છે. આગ ઝડપથી ફેલાતી જતા રહેવાસીઓમાં ગભરાટનો માહોલ સર્જાયો હતો. રહેવાસીઓ તરત જ બહાર નીકળી જતા મોટી દુર્ઘટના ટળી હતી.

આગ ન કારણે પાર્કિંગ માં પડેલ કાર પણ સળગી

આગ ધીરે ધીરે પાર્કિંગ સુધી પહોંચી જતા ત્યાં પાર્ક કરેલી એક કાર પણ આગની ઝપેટમાં આવી હતી અને તેને નુકસાન થયું હતું. ફાયર બ્રિગેડના જવાનોની મહેનત બાદ આગને સંપૂર્ણ રીતે કાબૂમાં લેવામાં આવી હતી. સદનસીબે આ આગની ઘટનામાં કોઈ જાનહાનિ થઈ નથી. જોકે આગ લાગવાના ચોક્કસ કારણો અંગે વધુ તપાસ હાથ ધરવામાં આવી રહી છે.

અમદાવાદ શહેરમાં થોડા સમય અગાઉ સાયન્સ સિટી નજીક આવેલા એક કાર શોરૂમના પાર્કિંગમાં બુધવારે ભીષણ આગ લાગવાની ઘટના સામે આવી છે. પાર્કિંગ વિસ્તારમાં અચાનક આગ ભભૂકી ઉઠતા આસપાસના વિસ્તારમાં અફરાતફરી મચી ગઈ હતી.

View this post on Instagram

A post shared by Sambhaav Nascent LLP (@vtv_gujarati_news)

મળતી માહિતી મુજબ પાર્કિંગમાં ઉભેલી કારોમાં અચાનક આગ લાગી હતી, જેના કારણે કારો ભડભડ સળગી ઉઠી હતી. આગ એટલી પ્રચંડ હતી કે થોડા જ સમયમાં પાર્કિંગમાં ઉભેલી 10થી વધુ કાર બળી ને ખાખ થઈ ગઈ હતી. ઘટનાને કારણે આસપાસ ધુમાડાના ગોટા દેખાતા લોકોમાં ભયનો માહોલ સર્જાયો હતો.

આગની જાણ થતા જ ફાયર વિભાગની ટીમો તાત્કાલિક ઘટના સ્થળે દોડી આવી હતી. ફાયર બ્રિગેડના જવાનો દ્વારા ભારે મહેનત બાદ આગ પર કાબૂ મેળવવામાં આવ્યો હતો. સમયસર કામગીરીને કારણે આગ વધુ ફેલાતી અટકાવવામાં સફળતા મળી હતી.

આ પણ વાંચોઃ વિધાનસભામાં ઉઠ્યો બાળકોના કુપોષણનો સવાલ, તો માહિતીમાં થયા ચોંકાવનારા ખુલાસા

સદનસીબે આ ઘટનામાં કોઈ જાનહાની થયાની માહિતી સામે આવી નથી. જોકે આગના કારણે કારોને ભારે નુકસાન થયું હોવાનું જણાવાઈ રહ્યું છે. હાલ આગ લાગવાનું ચોક્કસ કારણ સામે આવ્યું નથી. ફાયર વિભાગ અને સંબંધિત અધિકારીઓ દ્વારા સમગ્ર ઘટનાની તપાસ હાથ ધરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ