સાવધાન / એકાદશી વ્રતમાં ભૂલથી પણ ના કરતા આ 5 ભૂલો, પુણ્યની જગ્યા પર થશો પાપના ભાગીદાર

• સનાતન ધર્મમાં એકાદશી વ્રતનું ખૂબ મહત્વ 
• શુભ પરિણામો માટે પાલન કરો આ નિયમો 
• દર મહિને 2 અને વર્ષમાં આવે છે 24 એકાદશી 

હિન્દુ ધર્મમાં ભગવાન વિષ્ણુના આશીર્વાદ મેળવવા માટે એકાદશીનું વ્રત કરવામાં આવે છે. આજે આશો મહિનાના કૃષ્ણ પક્ષની એકાદશી તિથિ છે. જે ઈન્દિરા એકાદશી તરીકે ઓળખાય છે. પંચાંગ અનુસાર દર માસમાં 2 એકાદશીના વ્રત હોય છે અને આખા વર્ષમાં કુલ 24 એકાદશીના વ્રત હોય છે. જેમાં નિયમ પ્રમાણે વિશ્વના તારણહાર ગણાતા ભગવાન વિષ્ણુની પૂજા કરવાથી ભક્તને તેનું ફળ મળે છે. 

સનાતન પરંપરામાં એકાદશીના ઉપવાસને લઈને કેટલાક નિયમો પણ જણાવવામાં આવ્યા છે, જેને અવગણવાથી વ્યક્તિએ પુણ્યને બદલે પાપનો ભાગીદાર બનવું પડે છે. આવો જાણીએ એકાદશી વ્રત સાથે જોડાયેલી પાંચ મોટી ભૂલો, જેનાથી વ્યક્તિનું વ્રત તૂટી જાય છે.

એકાદશીના વ્રત વખતે ન કરતા આ ભૂલો 

1. એકાદશી વ્રતના દિવસે ન મોડા સુધી સુવુ ન જોઈએ અને દિવસમાં પણ કોઈ પણ સમયે સુવુ ન જોઈએ. આ દિવસે વ્રત કરનાર વ્યક્તિએ કાળા વસ્ત્રો ભૂલથી પણ ન પહેરવા જોઈએ. ભગવાન વિષ્ણુના વ્રત દરમિયાન પીળા વસ્ત્રો પહેરવા ખૂબ જ શુભ માનવામાં આવે છે. તેથી આ રંગના કપડાં પહેરવાનો પ્રયાસ કરો. ભગવાન વિષ્ણુની પૂજામાં તેમના મંત્રનો જાપ હંમેશા ચંદન અથવા તુલસીની માળાથી કરવો જોઈએ, નહીં તો વ્યક્તિને પુણ્યની પ્રાપ્તી થતી નથી.
2. એકાદશીનો ઉપવાસ કરનાર વ્યક્તિએ ઉપવાસના દિવસે ચોખા, લસણ, ડુંગળી, માંસ મંદિર વગેરેનું સેવન ભૂલથી પણ ન કરવું જોઈએ. એકાદશી વ્રતના દિવસે ચણા અને ચણાના શાકભાજીનું સેવન પણ ન કરવું જોઈએ.
3. એકાદશી વ્રતના દિવસે જરૂરિયાતમંદ વ્યક્તિને અન્નનું દાન કરવું અને ભોજન કરવાથી ઘણું પુણ્ય ફળ મળે છે. પરંતુ ધ્યાનમાં રાખો કે વ્રત કરનાર વ્યક્તિએ ભૂલથી પણ આજના દિવસે કોઈનું આપેલું અન્ન દાનમાં ન લેવું જોઈએ અને ન તો કોઈએ આપેલું ભોજન કરવું જોઈએ. જો તમારે મજબૂરીમાં ખોરાક લેવો પડે છે તો તેની કિંમત કોઈને કોઈ રૂપે જરૂર ચુકવી દો. 
4. એકાદશી વ્રતના દિવસે વ્યક્તિએ સ્ત્રી સંબંધને ટાળીને બ્રહ્મચર્યનું સંપૂર્ણ પાલન કરવું જોઈએ. વ્રત કરનાર વ્યક્તિ ભૂલથી પણ પોતાના મનમાં કોઈને લઈને કામ, ક્રોધ કે ઈર્ષ્યાની ભાવનાઓ ન લાવવી જોઈએ. 
5. એકાદશી વ્રતના દિવસે પાન અને ઝાડને લઈને પણ નિયમો જણાવવામાં આવ્યા છે. એવું માનવામાં આવે છે કે એકાદશી પર કોઈ પણ વૃક્ષ પરથી પાંદડા કે લાકડું ન તોડવું જોઈએ. આવી સ્થિતિમાં ઈન્દિરા એકાદશીના દિવસે દાતણ માટે લાકડી કે પૂજા માટે તુલસીના પાન ન તોડો. ભગવાન વિષ્ણુની પૂજા કરવા માટે એક દિવસ પહેલા તુલસીના પાન તોડી લેવા જોઈએ.