મોટો ચુકાદો / 'નપુંસક' પતિને મર્દાનગીનો ટેસ્ટ કરવા લઈ ગઈ પત્ની, કલ્પ્યું ન હોય તેવું રિઝલ્ટ આવ્યું, ચીફ જસ્ટિસ ખળભળ્યાં

• કપલ છૂટાછેડા કેસમાં દિલ્હી હાઈકોર્ટનો મોટો ચુકાદો 
• પતિને મર્દાગની ટેસ્ટની ફરજ પાડવી ક્રૂરતા
• પતિને જાહેરમાં બદચલન ન કહી શકાય 

એક મોટા ચુકાદામાં દિલ્હી હાઈકોર્ટે એવું ઠરાવ્યું છે કે પતિ સામે લગ્નેતર સંબંધોના ખોટા આક્ષેપો કરવા અને તેને જાહેરમાં ચારિત્ર્યહીન સાબિત કરવો ક્રૂરતા સમાન છે. જસ્ટિસ સુરેશ કુમાર કૈટની અધ્યક્ષતાવાળી બેંચે કહ્યું કે પતિ અપેક્ષા રાખે છે કે તેની પત્ની તેનું સન્માન કરે અને જરૂરિયાતના સમયે તેનું સુરક્ષા કવચ બને. આમ કરવાને બદલે સતત પતિના ચારિત્ર્ય અને પ્રામાણિકતા પર સવાલ ઉઠાવવાથી તેને માનસિક પીડા થઈ શકે છે.

શું હતા પત્નીના આરોપ 
પત્નીએ ફેમિલી કોર્ટના છૂટાછેડાના આદેશ સામે દિલ્હી હાઈકોર્ટમાં અરજી દાખલ કરી હતી અને પતિ પર લગ્નેતર સંબંધનો આરોપ લગાવ્યો હતો, જે તે સાબિત કરી શકી ન હતી. આવી સ્થિતિમાં, કોર્ટે પત્નીની અરજી નામંજૂર કરી હતી અને ફેમિલી કોર્ટના આદેશને માન્ય રાખ્યો હતો. કોર્ટે કહ્યું, "મિત્રની પત્ની સાથે પતિ વિરુદ્ધ લગ્નેત્તર સંબંધોના ખોટા આરોપો લગાવવા, જે તેની છાપ ખરડી શકે છે તે ક્રૂરતા સિવાય બીજું કશું નથી. 

મર્દાનગી ટેસ્ટમાં પાસ થયો પતિ 
કોર્ટે નોંધ્યું હતું કે પત્નીએ દાવો કર્યો હતો કે તેનો પતિ નપુંસક છે અને તેને મર્દાનગી ટેસ્ટ માટે દબાણ કર્યું હતું જોકે મર્દાનગી ટેસ્ટમાં તે ફિટ હોવાનું જણાયું હતું. કોર્ટે આદેશમાં કહ્યું કે, પત્નીએ પોતાના બાળકને પણ પતિથી અલગ કરી દીધું, જે માનસિક ક્રૂરતા સમાન છે.

બાળકોને દૂર જતા જોઈને દુ:ખ થાય છે : હાઇકોર્ટ
કોર્ટે કહ્યું છે કે પિતા માટે તેના બાળકને દૂર જતા અને સંપૂર્ણપણે તેની વિરુદ્ધ જતા જોવા કરતાં વધુ પીડાદાયક કંઈ નથી. કોર્ટે કહ્યું, 6 વર્ષમાં આવા કૃત્યો સહન કર્યા બાદ પતિને પણ ઘણી વખત આત્મહત્યા કરવાના વિચારો આવ્યા હતા. કોઈપણ સફળ લગ્ન પરસ્પર આદર અને વિશ્વાસ પર આધારિત હોય છે અને જો કોઈ સંબંધમાં એક ચોક્કસ સ્તરથી ઉપર સમાધાન થઈ રહ્યું છે, તો તેનો અર્થ એ છે કે સંબંધનો અંત આવવાનો જ છે.

ઓફિસમાં જઈને પતિ સામે બદચલનના આક્ષેપો પણ ક્રૂરતા 
હાઈકોર્ટે એક ઉદાહરણ આપતાં એવું કહ્યું કે અમારી સામે, એક કેસ છે જેમાં પત્નીએ જાહેરમાં પતિને ત્રાસ આપ્યો છે અને અપમાનિત કર્યો છે. પતિને હેરાન કરવાના કેસમાં પત્ની એટલી હદે ગઈ કે પતિની ઓફિસની મિટિંગ દરમિયાન તેણે તમામ કર્મચારીઓ અને મહેમાનોની સામે બેવફાઈના આક્ષેપો કર્યા હતા. તેણે ઓફિસમાં કામ કરતી મહિલા કર્મચારીઓને પણ હેરાન કરી હતી અને પતિને ચારિત્ર્યહીન સાબિત કરવામાં કોઈ કસર છોડી ન હતી. પતિ સાથેની આવી વર્તણૂક ક્રૂરતા સમાન છે.