રાજકોટ / કારખાનાના માલિકે કારીગરને મારીને અધમૂઓ કરી નાખ્યો, વારંવાર રજા રાખી તેમાં છટક્યું મગજ

• રાજકોટના રાવકી ગામ પાસે કારખાનામાં મારામારી 
• કારીગર વારંવાર રજા રાખતો હોવાથી માલિકે માર્યો માર
• કારીગરને માર મારવાની ઘટનાના CCTV ફૂટેજ સામે આવ્યા

 રાજકોટનાં રાવકી ગામ પાસે આવેલ પ્લાસ્ટિકનાં કારખાનાના માલિક ધીરૂભાઈ સખીયાએ કારીગરને માર મારતા CCTV  ફૂટેજ સામે આવ્યા છે. જેમાં કારીગર કામ કરી રહ્યો હતો. ત્યારે કારખાના માલિક દ્વારા તેની પાસે જઈ વાતચીત કરી રહ્યા હતા. તે દરમ્યાન અચાનક જ કારખાના માલિક ઉગ્ર થઈ જઈ કારીગરને લાફો માર્યો હતો. જે બાદ મામલો ઉગ્ર બની જતા કારખાના માલિક દ્વારા તેનો કોલર પકડી કારીગર સાથે ઝપાઝપી કરતા વીડિયોમાં દેખાઈ રહ્યા છે. 

Rajkot News: રાજકોટમાં કારખાનાના માલિકે કારીગરને મારીને અધમૂઓ કરી નાખ્યો, વારંવાર રજા રાખી તેમાં છટક્યો મગજ, સમગ્ર ઘટનાના CCTV આવ્યા સામે #gujarat #rajkot #vtvgujarati pic.twitter.com/7raJgC7JyK

— VTV Gujarati News and Beyond (@VtvGujarati) May 21, 2023

કારીગર વારંવાર રજા રાખતો હોઈ કારખાના માલિકે માર માર્યો
કારખાનાનાં માલિક ધીરૂભાઈ સખીયા તેમજ કારીગર વચ્ચે થયેલી ઉગ્ર બોલાચાલી મામલામાં કારીગર વારંવાર રજા રાખતો હોવાથી ધીરૂભાઈ તેમજ કારીગર વચ્ચે બોલાચાલી થતા મામલો ઉગ્ર બની ગયો હતો. ત્યારે કારીગરને માર મારવાની ઘટનાની સીસીટીવી ફુટેજ પણ સામે આવ્યા છે. CCTVમાં કારખાનાનો માલિક કારીગરને લાફા મારતો સ્પષ્ટ દેખાઈ રહ્યું છે. ત્યારે આ ઝઘડાની જાણ બીજા કારીગરોને થતા તેઓ તાત્કાલીક દોડી આવી ધીરૂભાઈ તેમજ કારીગરને છોડાવ્યા હતા.