એક્સિડન્ટ / બાંદ્રા-વર્લી સી લિન્ક પર લેમ્બોર્ગિનીનો અકસ્માત: ભાજપના પૂર્વ ધારાસભ્યનો દિકરો ચલાવી રહ્યો હતો સુપરકાર, કેસ દાખલ

• પૂર્વ ધારાસભ્યના પુત્રની કરતૂત આવી સામે 
• બેફામ લેમ્બોર્ગિની કાર ચલાવી સર્જ્યો અકસ્માત
• બાંદ્રા-વર્લી સી લિન્ક રેલિંગ સાથે અથડાવી કાર

Accident In Mumbai: મહારાષ્ટ્રની રાજધાની મુંબઈમાં બેફામ ડ્રાઈવિંગ કરવા બદલ ભાજપના પૂર્વ ધારાસભ્યના દિકરા સામે કેસ નોંધવામાં આવ્યો છે. પોલીસના જણાવ્યા અનુસાર, પૂર્વ ધારાસભ્ય નરેન્દ્ર મહેતાના દિકરાએ શનિવારે બાંદ્રા-વર્લી સી લિન્કની રેલિંગ સાથે લેમ્બોર્ગિ કાર અથડાઈ હતી.

સ્ટિંયરિંગ પર કાબૂ ગુમાવતા રેલિંગ સાથે અથડાઈ કાર
પોલીસ અધિકારીએ જણાવ્યું કે, મીરા-ભાયંદરના પૂર્વ ધારાસભ્ય નરેન્દ્ર મહેતાનો પુત્ર  તક્ષીલ સવારે લગભગ 7.30 વાગ્યે વર્લી તરફ જઈ રહ્યો હતો, ત્યારે તેણે તેની લક્ઝરી કાર પરનો કાબૂ ગુમાવતા કાર રેલિંગ સાથે અથડાઈ હતી. અધિકારીએ જણાવ્યું કે, અકસ્માતમાં તક્ષિલનો જમણો હાથ દાઝી ગયો હતો, પરંતુ અન્ય કોઈ પણ વ્યક્તિને ઈજા થઈ નથી.

પોલીસ સ્ટેશન લઈ જવાઈ કાર
અકસ્માત બાદ રોડ ટ્રાફિક જામ ન થાય તે માટે વર્લી પોલીસ (Worli Police) કારને પોલીસ સ્ટેશન લઈ ગઈ હતી. અધિકારીએ જણાવ્યું કે, તક્ષિલ વિરુદ્ધ ભારતીય દંડ સંહિતાની કલમ 279 (ફૂલ સ્પીડમાં ડ્રાઇવિંગ) અને 336 (અન્યના જીવન અથવા વ્યક્તિગત સુરક્ષાને જોખમમાં મૂકવી) હેઠળ કેસ નોંધવામાં આવ્યો છે

એન્જિનિયર દંપતીનું કારની ટક્કરે મોત
આવો જ એક અકસ્માતનો બનાવ ઝારખંડના ધનબાદમાંથી પણ સામે આવ્યો છે. આ ઘટનામાં BCCLમાં કામ કરતા એક એન્જિનિયર દંપતીનું ફોર્ચ્યુનર કારની ટક્કરથી મોત થયું છે. હાલ ધનબાદ પોલીસે આ મામલે કાયદેસરની કાર્યવાહી હાથ ધરી છે. 

ફોર્ચ્યુનર કારચાલકે મારી ટક્કર
બીસીસીએલમાં સર્વેયર તરીકે કામ કરતા રાણા દાસ અને તેમના પત્ની માનસી દાસનું કારની ટક્કરથી મોત થયું હતું. રાણા દાસના ભાઈએ જણાવ્યું કે, તેમના ભાઈ અને ભાભી તેમના પુત્ર ઋષભને ડૉક્ટર પાસે ગઈ ગયા હતા. તેઓ જ્યારે હોસ્પિટલથી બાઈક પર ઘરે પરત આવી રહ્યા હતા, ત્યારે રસ્તામાં બે ફોર્ચ્યુનર કારના ચાલકો રેસ લગાવી રહ્યા હતા. આ દરમિયાન ફોર્ચ્યુનર કારે (JH 10 CF 0045) બાઇકને પાછળથી ટક્કર મારી હતી. આ અકસ્માતમાં મારાભાઈ અને ભાભીનું ઘટના સ્થળે જ મૃત્યુ થયું હતું.