- બિગ બૉસ ott2 વિનર એલ્વિશ યાદવ પર આરોપ
- નોઈડામાં મિત્રો સાથે રેવ પાર્ટીમાં સાંપનાં ઝેરનો ઉપયોગ કરતાં હોવાનો આરોપ
- પોલીસે 5 લોકોની ધરપકડ કરી સાથે જ આ સાંપને પણ જપ્ત કર્યાં
બિગ બૉસ ઓટીટીનાં વિનર એલ્વિશ યાદવ પર આરોપ છે કે તે પોતાના સાથીમિત્રોની સાથે નોઈડામાં રેવ પાર્ટી કરતાં હતાં. પાર્ટીમાં પ્રતિબંધિત સાંપનાં ઝેરનો ઉપયોગ પણ કરતાં હતાં. સાંપોની સાથે વીડિયો શૂટ કરતાં હતાં. એલ્વિશ યાદવ પર આ આરોપ પીપલ ફોર એનિમલ સંસ્થાનાં ગૌરવ ગુપ્તાએ લગાડ્યો છે. આ મામલામાં પોલીસે 5 આરોપીઓની ધરપકડ કરી છે. તેમણે પોતે એલ્વિશ યાદવ સાથે સંકળાયેલા હોવાની વાત કબૂલ કરી છે. પોલીસને તેમની પાસેથી કોબરા સહિત અલગ- અલગ પ્રજાતિનાં 9 સાંપ અને તેમના ઝેર મળી આવ્યાં છે.
રેવ પાર્ટીમાં સાંપનાં ઝેરનું શું કામ?
નેશનલ લાઈબ્રેરી ઓફ મેડિસિનની રિપોર્ટ અનુસાર દુનિયાભારમાં એવા કેટલાક ડ્રગ્સનું ચલણ વધી રહ્યું છે જે આલ્કોહોલ એડિક્શનને વધારે છે. સાંપનું ઝેર પણ આ કેટેગરીમાં આવે છે. તેમને સાયકોએક્ટિવ કહેવામાં આવે છે. ગામડાથી લઈને શહેર સુધી તેનો ઉપયોગ કરવામાં આવે છે. કેટલાક વર્ષો પહેલાં ભારતમાં પણ આવો એક કિસ્સો સામે આવ્યો હતો જેમાં 28 વર્ષીય એક યુવકે સાંપનું ઝેર પી લીધું હતું. તેની શરૂઆત આલ્કોહોલમાં સાંપનું ઝેર ભેળવવાથી થઈ હતી. પહેલા તેણે દારુ અને ઝેરને મિક્સ કરીને પીવાનું શરૂ કર્યું અને પછી એડિક્શન એટલું વધી ગયું કે તેણે ઝેર જ પી લીધું.
ખાસ સાંપની પ્રજાતિ
જર્નલની રિપોર્ટ અનુસાર આ માટે સાંપની ખાસ પ્રજાતિઓનો ઉપયોગ કરવામાં આવે છે. તેમાં નાઝા-નાઝા (કોબરા), ઑફિયોડ્રાયસ વર્નેલિસ ગ્રીન સ્નેક અને બંગેકરસ કેરિલિયુસ ક્રોમન ક્રેત શામેલ છે. મુંબઈ અને મેંગલૂરુ સહિત દેશનાં અનેક શહેરોમાં સાંપનાં ઝેરનાં એડિક્શનનાં મામલા સામે આવી ગયાં છે.
પોલીસને આરોપીઓ પાસેથી મળ્યાં સાંપ
એલ્વિ યાદવ મામલામાં પોલીસે જે આરોપીઓની ધરપકડ કરી તેમની પાસેથી પણ ખાસ પ્રકારનાં સાંપ મળી આવ્યાં છે. તેમાં 5 કોબરા, એક અજગર, 2 ડબલ સાંપ અને એક રેટ સ્નેક મળી આવ્યાં છે. આ સિવાય 25 ml સાંપનું ઝેર પણ મળી આવ્યું છે. રિપોર્ટ અનુસાર આ ઝેરનો ઉપયોગ રેવ પાર્ટીમાં કરવામાં આવતો હતો.
વૈજ્ઞાનિક દ્રષ્ટિએ શું હોય છે આ ઝેરમાં ?
સાયન્સ ડાયરેક્ટ રિપોર્ટ અનુસાર સાંપનાં ઝેરમાં એવા કેમિકલ્સ હોય છે જે ખાસ પ્રકારનાં આનંદનો અનુભવ કરાવે છે. શરીરમાં એવી એનર્જી ભરે છે જેની સીધી અસર મગજ પર થાય છે. નશા બાદ ઘણાં કલાકો સુધી તેની અસર રહે છે.
