Earthquake / ભયાનક ભૂકંપથી ધણધણી ઉઠ્યું આસામ, તીવ્રતા 5.8, લોકો ઘરની બહાર દોડ્યા

આસામના ઉદાલગુડીમાં રિક્ટર સ્કેલ પર 5.8 ની તીવ્રતાનો ભૂકંપ આવ્યો હતો. ભૂકંપના ભયથી લોકો પોતાના ઘરો છોડીને બહાર નીકળી ગયા હતા. નેશનલ સેન્ટર ફોર સિસ્મોલોજી ( NCS ) એ આ માહિતી આપી હતી. NCS ના જણાવ્યા અનુસાર, રવિવારે સાંજે 4:41 વાગ્યે ભૂકંપ આવ્યો હતો અને તેનું કેન્દ્ર 5 કિલોમીટરની ઊંડાઈએ હતું.

મળતી માહિતી મુજબ, રવિવારે સાંજે આસામના ઉદલગુરી જિલ્લામાં ભૂકંપના જોરદાર આંચકા અનુભવાયા હતા. ઉદલગુરી જિલ્લામાં તેમજ તેની આસપાસના જિલ્લાઓમાં ધરતી ધ્રુજી ઉઠી હતી. NCS અનુસાર, આસામ તેમજ બંગાળ અને ભૂટાનમાં ભૂકંપના આંચકા અનુભવાયા હતા. કહેવામાં આવી રહ્યું છે કે ભૂકંપ દરમિયાન ધરતી ધ્રુજવાથી લોકો ડરી ગયા હતા અને ઘરો છોડીને બહાર નીકળી ગયા હતા. જોકે, ભૂકંપના આંચકાથી કોઈ જાનહાનિ અંગે હજુ સુધી કોઈ માહિતી મળી નથી.

ધરતી ધ્રુજી ઉઠતાં લોકો ગભરાઈ ગયા

ભૂકંપના આંચકાથી અચાનક ધરતી ધ્રુજી ઉઠતાં લોકો ગભરાઈ ગયા હતા. ઊંચી ઇમારતોમાં રહેતા લોકો તરત જ પોતાના ઘરોમાંથી બહાર નીકળી ગયા. ભૂકંપ એટલો જોરદાર હતો કે વાહનોના પૈડા પણ થોડા સમય માટે થંભી ગયા. જ્યારે પરિસ્થિતિ સામાન્ય થઈ ત્યારે લોકોએ રાહતનો શ્વાસ લીધો. સ્થાનિક લોકો કહે છે કે ભૂકંપના આંચકા જોરદાર હતા. એવું લાગ્યું કે જાણે હવે જમીન ફાટી જશે. પરંતુ થોડીક સેકન્ડોમાં ધરતી ધ્રુજતી બંધ થઈ ગઈ.

આ પણ વાંચોઃ 'પાકિસ્તાન સાથે મેચ રમવી આપણા ગાલ પર તમાચો...' શહીદની પત્નીએ BCCIને આડે હાથ લીધું

લોકોમાં હજુ પણ ભય છે

સ્થાનિક અધિકારીઓનું કહેવું છે કે તેઓ પરિસ્થિતિ પર નજર રાખી રહ્યા છે. લોકોને સતર્ક રહેવા માટે કહેવામાં આવ્યું છે. અધિકારીઓએ જણાવ્યું હતું કે ભૂકંપને કારણે અત્યાર સુધી કોઈ જાનહાનિના અહેવાલ નથી. જો કોઈ પણ પ્રકારના નુકસાનની જાણ થશે તો મદદ પૂરી પાડવામાં આવશે. જોકે, લોકોમાં હજુ પણ ભય યથાવત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ