ઝડપી ન્યાય મળે અને તટસ્થ તપાસ કરવાની માગ કરવામાં આવી
વેરાવળના જાણીતા ડોક્ટર અતુલ ચગની આત્મહત્યા મામલે લોહાણા સમાજ દ્વારા ભારે રોષ સાથે ડે. કલેકટરને આવેદન પત્ર પાઠવવામાં આવ્યું હતું તેમજ ઝડપી ન્યાય મળે અને તટસ્થ તપાસ કરવાની માગ કરવામાં આવી છે.
ડે. કલેકટરને આવેદનપત્ર પાઠવ્યું
લોહાણા સમાજમાં ભારે રોષ
રવિવારે વેરાવળના જાણીતા ડોક્ટર અતુલ ચગે પોતાની જ હોસ્પિટલમાં ગળેફાંસો ખાઈ આત્મહત્યા કરી લીધી હતી. એટલું જ નહિ પોલીસને મૃતદેહ પાસેથી એક સુસાઇડ નોટ પણ મળી આવી હતી આ સમગ્ર મામલે હવે ભારે ઉહાપોહ જોવા મળી રહ્યો છે આજે લોહાણા સમાજ દ્વારા વેરાવળ ડે.કલેકટરને આવેદન પત્ર પાઠવી તટસ્થ ન્યાય અને ઝડપી તપાસ થાય તેમાં માટે તેમજ કસુરવાર પર કાર્યવાહી કરવાની માગ કરી છે.
સમગ્ર ઘટનાને લઈ રહસ્ય ઘૂંટાયેલું
વેરાવળના ડો.અતુલ ચગની લાસ પાસેથી મળી આવેલી સુસાઈટ નોટને લઈ રહસ્ય વધુ ઘૂટાયેલું બન્યું છે આ સુસાઈટ નોટ ટૂંકા લખાણ વાળી અને બે વ્યક્તિના નામ હોવાનું મનાય છે હવે આ સમગ્ર મામલે જેના નામ છે એના સામે કાર્યવાહીની માગ કરવામાં આવી રહી છે. જો કે, આ આખી ઘટનામા મહત્વની બાબત એ રહી કે મૃતક ડો ચગના દીકરા જે હિતાર્થ છે તે મીડિયા પ્રક્રિયામાં સુસાઇડ નોટમાં લખેલા નામ બાબતે બોલવાનું ટાળતા હોઈ તેવું લાગી રહ્યું છે એટલું જ નહીં ફરિયાદ કરવાની વાતમા પણ સ્પષ્ટતાથી વાત ન કરતા હોવાનું જણાઈ રહ્યું છે.
હિતાર્થ ચગ
હાલ તો ડો ચગની આત્મહત્યાનું રહસ્ય સુલજવાના બદલે વધુ ઘેરાઈ રહ્યું છે ત્યારે સવાલોએ ઉભા થયા છે કે શું ખરેખર જેમના પર આરોપ છે તે આટલા માથાભારે છે જેનાથી આ લોકો બોલતા બીવે છે કે, પછી અન્ય કોઈ કારણ છે. હાલ તો આ સમગ મામલે કોઈ પણ મગનું નામ મરી પાડવા તૈયાર નથી ત્યારે હવે જોવું એ રહ્યું કે, પોલીસ કંઈ ખુલાસા કરે છે કે પછી ડો ચગની મોતનું કારણ ગુમનામ બની રહેશે.
